Author: નોબત સમાચાર
કાલાવડના જસાપરમાં ખેતરમાં શ્રમિક પર મોત બનીને ત્રાટકી આકાશી વીજળી
ચાલુ વરસાદે મકાનની છત પર હતા અને મોત ત્રાટક્યું:
જામનગર તા. ૧૭: કાલાવડ તાલુકાના જસાપર ગામની સીમમાં એક ખેતરમાં મજૂરીકામ માટે આવીને રહેતા મૂળ મહિસાગર જિલ્લાના વતની શ્રમિક ગઈકાલે સાંજે ખેતર સ્થિત મકાનની છત પર હતા ત્યારે તેમના પર આકાશી વીજળી મોત બનીને ત્રાટકી હતી. પોલીસે અપમૃત્યુની નોંધ કરી તપાસ શરૂ કરી છે.
કાલાવડ તાલુકાના જસાપર ગામની સીમમાં આવેલા લાખાભાઈ ત્રિકમભાઈ કાછડીયા નામના ખેડૂતના ખેતરમાં મજૂરીકામ માટે આવીને રહેતા મૂળ મહિસાગર જિલ્લાના સંતરામપુર તાલુકાના મોટી ભરેડી ગામના વતની અંબાલાલ વરસીંગભાઈ અમલીયાર (ઉ.વ.૫૬) નામના પ્રૌઢ ગઈકાલે સાંજે ખેતરમાં આવેલા મકાનની છત પર હતા.
આ વેળાએ આકાશમાં ભારે ગાજવીજ થવા લાગ્યા પછી વરસાદ શરૂ થયો હતો અને તે દરમિયાન આકાશી વીજળી અંબાલાલ પર ત્રાટકી હતી. ધડાકો સંભળાતા ખેતરમાં હાજર અન્ય લોકો દોડી આવ્યા હતા. તેઓએ અંબાલાલને સારવાર માટે કાલાવડ દવાખાને ખસેડ્યા હતા. જ્યાં આ પ્રૌઢનું ટૂંકી સારવારના અંતે મૃત્યુ નિપજ્યું છે. રીટાબેન ગુલાબભાઈ ડામોરે પોલીસને જાણ કરી છે. કાલાવડ શહેર પોલીસ સ્ટેશનના જમાદાર એસ.એસ. જાડેજાએ આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
