Author: નોબત સમાચાર
હેવી વીજલાઈનની સ્વિચ કાપી નખાતા ત્રણબત્તી વિસ્તારમાં છવાયો અંધારપટ
વીજ કંપનીની ટેકનિકલ ટીમે હાથ ધર્યું સમારકામઃ
જામનગર તા. ૧૭: જામનગરના જૂના રેલવે સ્ટેશન સામે પેટ્રોલપંપની પાછળ આવેલી વીજ કંપનીની ૧૧ કેવી લાઈનની સોમવારે રાત્રે કોઈ શખ્સે સ્વિચ કાપી નાખતા આ વિસ્તારમાં અંધારપટ છવાયો હતો. ધસી ગયેલી વીજ કંપનીની ટૂકડીએ સમારકામ કર્યા પછી વીજ પુરવઠો પૂર્વવત થયો હતો.
જામનગરના જૂના રેલવે સ્ટેશન પાસે આવેલા પેટ્રોલપંપ પાછળ પીજીવીસીએલની ૧૧ કેવીની પસાર થતી હેવી વીજ લાઈનની સ્વિચ સોમવારની રાત્રે આઠેક વાગ્યે કોઈ ભાંગફોડિયા તત્ત્વોએ કાપી નાખતા ત્રણબત્તી તેમજ એસપી બંગલા, જજ કવાર્ટર, જજ બંગલો અને અંબર ચોકડી સુધીના વીજ પ્રવાહને અસર થઈ હતી.
આ વિસ્તારમાં વીજ પુરવઠો ખોરવાયાની જાણ થતાં મુખ્ય ઓફિસેથી સમારકામ માટે ટૂકડી દોડી આવી હતી. જ્યાં ઉપરોક્ત સ્વિચ કપાયેલી જોવા મળતા સબ સ્ટેશન તેમજ એચટી વિભાગમાં પૂછપરછ કરાઈ હતી પરંતુ કોઈ સ્ટાફે આ સ્વિચ ઓપરેટ કરી ન હોવાનું ખૂલ્યું હતું. તેથી કોઈ શખ્સે મજાક કે અન્ય હેતુથી સ્વિચ કાપી નાખી હોવાનંુ જણાઈ આવ્યું હતું.
ત્યારપછી શરૂ કરાયેલી સમારકામ કામગીરી પૂર્ણ થતાં વીજ પુરવઠો પૂર્વવત કરવામાં આવ્યો હતો. જો કે, તે દરમિયાન અંધારપટ છવાયેલો રહ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
