Author: નોબત સમાચાર
જામ્યુકોના દબાણ નિરીક્ષકના મકાનમાં વાયરીંગના કારણે આગઃ જાનહાની ટળી
ફાયરબ્રિગેડ સાથે આર્મીના જવાનોએ કરી કામગીરીઃ
જામનગર તા. ૧૭: જામનગરના પવનચક્કી વિસ્તાર પાસે આવેલી જૂની જેલ નજીક એક મકાનમાં ગઈકાલે સાંજે વાયરીંગમાં શોર્ટ સર્કીટ થવાથી આગ ભભૂકી હતી. દોડી ગયેલી ફાયરની ટીમ સાથે આર્મીના જવાનોની ટૂકડી પણ અગ્નિશમનમાં જોતરાઈ હતી. આગ કાબૂમાં આવી તે પહેલા કેટલુક ફર્નિચર સળગી ગયું હતું. આગ લાગવાના કારણની તપાસ કરાઈ રહી છે.
જામનગરના પવનચક્કી વિસ્તારથી આગળ જિલ્લા જેલ નજીક વસવાટ કરતા અને જામનગર મહાનગરપાલિકામાં દબાણ નિરીક્ષક તરીકે ફરજ બજાવતા સુનિલ ભાનુશાળીના મકાનમાં ગઈકાલે સાંજે સાડા પાંચેક વાગ્યે અચાનક જ ધૂમાડા નીકળવા લાગતા ઘરમાં રહેલા ત્રણ વ્યક્તિ તરત જ બહાર નીકળી ગયા હતા.
આ બાબતની ફાયરબ્રિગેડ શાખાને જાણ કરવામાં આવતા ફાયરના જવાનો દોડી ગયા હતા. તે દરમિયાન એક બેડરૂમમાંથી આગની લપેટો નીકળવા લાગી હતી. બાજુમાં જ આવેલા આર્મી સ્ટેશનમાંથી આર્મીના જવાનો પણ ધસી આવ્યા હતા. તેઓએ ફાયરબ્રિગેડના જવાનોની સાથે અગ્નિશમનની કામગીરી શરૂ કરી હતી.
તે મકાનમાં રહેલા એક વૃદ્ધાને ગણતરીની મિનિટોમાં સહી સલામત બહાર કાઢી લેવામાં આવ્યા હતા. તે પછી આર્મીની ફાયરબ્રિગેડ ટીમ પણ જોડાઈ હતી. પાણીનો મારો ચલાવી આગને કાબૂમાં લેવામાં આવી તે દરમિયાન કેટલુક ફર્નિચર સળગી ગયું હતું.
આ મકાનમાં એક ઓરડામાં મૂકવામાં આવેલા એરકન્ડીશનર સાથે જોડાયેલા વાયરીંગમાં ક્ષતિ સર્જાતા આગ લાગ્યાનું પ્રાથમિક તારણ મળ્યું છે. ત્યારે આજે એફએસએલની ટૂકડી તપાસ માટે દોડી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
