કાલાવડ શીતલાના દાણીધાર ધામમાં રપ જૂને દિવ્ય જીવાત્માઓનો ૪૦૧ મો સમાધિ દિવસ ઉજવાશે

Author: નોબત સમાચાર

કાલાવડ શીતલાના દાણીધાર ધામમાં રપ જૂને દિવ્ય જીવાત્માઓનો ૪૦૧ મો સમાધિ દિવસ ઉજવાશે

શ્રીનાથજી દાદાની પાવનકારી, ઉપવાસી બાપુની તપોભૂમિ

જામનગર તા. રરઃ અતિ પ્રાચીન અને પૌરાણિક સંત શ્રીનાથજીદાદાની પાવનકારી તેમજ સંત શ્રી ઉપવાસી બાપુની તપોભૂમિ દાણીધાર ધામ, તા. કાલાવડ શીતલાને આંગણે શ્રીનાથજીદાદા તેમજ સમાધિષ્ઠ દિવ્ય જીવાત્માઓનો ૪૦૧ મા વર્ષનો સમાધિ દિવસ તા. રપ જૂન મંગળવારના રંગેચંગે ઉજવવામાં આવશે. જેમાં સૌરાષ્ટ્રભરમાંથી સાધુ-સંતો, ભક્તો અને સેવકો ઉમટી પડશે.

તા. રપ/૬ ના મંગળવારના ૪૦૧ માં વર્ષના સમાધિ દિવસ નિમિત્તે સવારે ૮ વાગ્યે શ્રી સમાધિ પૂજનનો કાર્યક્રમ રાખેલ છે. ત્યારપછી ૧૦-૩૦ કલાકે શ્રીનાથજીદાદા તેમજ સમાધિષ્ઠ દિવ્ય જીવાત્માઓ સહિત પ૧ થાળ ધરાવવામાં આવશે. સવારે ૧૦ વાગ્યાથી સાંજે ૪ સુધી કાનગોપીનો કાર્યક્રમ (બરડિયા ગ્રુપ) રાખવામાં આવ્યો છે. જેનો આજુબાજુના ગ્રામજનો મોટી સંખ્યામાં લાભ લેશે.

'તુ હી રામ પ્યારે રામ'ના નાદ્થી ગૂંજતી આ પવિત્ર ભૂમિમાં આશરે પપ૦ ગાયોની ગૌશાળા આવેલી છે. મહંતશ્રી સુખદેવદાસજી બાપુ, ગુરુ શ્રી ચત્રભૂજદાસજી બાપુ (શ્રી ઉપવાસી બાપુ) તથા પ્રમુખ શ્રી ભાવસિંહજી ડાભી, શ્રીનાથજી દાદા ટ્રસ્ટ અને શ્રીનાથજી દાણીધાર ગૌશાળા ટ્રસ્ટ વતી કરેલ આ દિવ્ય આયોજનનો દેવદર્શન, ભંડારા દર્શન, સંત દર્શનમાં ભક્તજનોને પરિવાર સાથે પધારવા શ્રીનાથજીદાદા ગૌશાળા ટ્રસ્ટના ટ્રસ્ટી શિવુભા ભાટ્ટીએ જણાવ્યું છે.

જો આપને આ પોસ્ટ ગમી હોય તો શેર કરો...