દારૂ કૌભાંડના કેસમાં કેજરીવાલની જામીન અરજીની સુનાવણી હવે ૧૭ જુલાઈના થશે

Author: નોબત સમાચાર

દારૂ કૌભાંડના કેસમાં કેજરીવાલની જામીન અરજીની સુનાવણી હવે ૧૭ જુલાઈના થશે

દિલ્હી હાઈકોર્ટે સીબીઆઈને પાઠવી નોટીસઃ

દિલ્હી તા. ૦૫: દિલ્હી હાઈકોર્ટમાં આજે સીએમ અરવિંદ કેજરીવાલની લીકર પોલિસી સ્કેમ મામલે સીબીઆઈ કેસમાં દાખલ અરજી પર સુનાવણી થઈ હતી, જેમાં કોર્ટે જામીન માગતી અરવિંદ કેજરીવાલની અરજી પર સીબીઆઈને નોટીસ પાઠવી. હવે આ મામલે વધુ સુનાવણી ૧૭ જુલાઈએ થશે.

આ દરમિયાન કેજરીવાલના વકીલ અભિષેક મનુ સિંઘવીએ કહ્યું કે, આ કેસમાં ચાર લોકોને જામીન આપવામાં આવ્યા છે. સામાન્ય જામીનના કેસમાં તેઓને ક્યા આધરે જેલમાં રાખવામાં આવે છે? આ કેસમાં કેજરીવાલની ર વર્ષ પછી ધરપકડ કરવામાં આવી છે. તેમણે કહ્યું કે ર૦ર૩ માં કેજરીવાલની ૯ કલાક પૂછપરછ કરવામાં આવી, જ્યારે કેજરીવાલને પીએમએલએ કેસમાં જામીન મળી ગયા તો સીબીઆઈ ફરીથી ધરપકડ કરી લે છે. તેઓ કોઈ ઘોષિત ગુનેગાર કે આતંકવાદી નથી.

આ મામલે સીબીઆઈએ કેજરીવાલની જામીન અરજીનો વિરોધ કરતા કહ્યું કે જામીન માટે પ્રથમ કોર્ટ ટ્રાયલ કોર્ટ હોવી જોઈએ. તેણે ધરપકડને પડકારી છે, તે અરજી હાઈકોર્ટમાં પેન્ડિંગ છે. હાઈકોર્ટે કહ્યું કે તમને સેસન્સ જજ દ્વારા પ્રથમ સુનાવણીનો લાભ મળશે. કોર્ટની ક્ષમતા પર કોઈ પ્રશ્ન નથી.

જો આપને આ પોસ્ટ ગમી હોય તો શેર કરો...