Author: નોબત સમાચાર
જામનગરમાંથી બુલેટની ઉઠાંતરી કરનાર શખ્સ બે ચોરાઉ બાઈક સાથે ઝડપાયો
બીજુ બાઈક મોરબીમાંથી ચોર્યાની કબૂલાતઃ
જામનગર તા. પઃ જામનગરના રાજ પાર્કમાંથી બુલેટ મોટરસાયકલની ચોરી થઈ હતી. જેની તપાસમાં એલસીબીએ નાગેશ્વર પાર્કમાં એક શખ્સના મકાનમાંથી ચોરાઉ બુલેટ તથા મોરબીમાંથી ચોરાયેલા બાઈકને કબજે કર્યા છે. એક શખ્સની અટકાયત કરાઈ છે.
જામનગરના રાજપાર્ક વિસ્તારમાં રહેતા એક શિક્ષકનું જીજે-૧૦-સીસી ૮૧૮૭ નંબરનું બુલેટ મોટરસાયકલ ચોરાઈ ગયાની પોલીસમાં ફરિયાદ કરાયા પછી ગઈકાલે એલસીબીના સ્ટાફ દ્વારા કરવામાં આવી રહેલા પેટ્રોલિંગમાં દિલીપ તલાવડીયા, હિતેન્દ્રસિંહ, કાસમ બ્લોચને બાતમી મળી હતી કે, નાગેશ્વર પાસે નાગેશ્વર પાર્કમાં રહેતા રોહિત મનાભાઈ બારીયાના મકાનમાં બે ચોરાઉ વાહન પડ્યા છે.
તે બાતમીના આધારે દોડી ગયેલી એલસીબીએ ત્યાંથી જીજે-૧૦-સીસી ૮૧૮૭ નંબરના બુલેટ અને નંબર પ્લેટ વગરનું હોન્ડા કંપનીનું મોટર સાયકલ કબજે કર્યું હતું. તે બંને વાહન અંગે રોહીત બારીયાની પૂછપરછ કરાતા તેણે બુલેટ રાજપાર્કમાંથી અને હીરો બાઈક મોરબીમાંથી ચોર્યાની કબૂલાત કરી છે. એલસીબીએ રૂ. ૧ લાખના બંને વાહન કબજે કરી આરોપીનો કબજો સિટી બી ડિવિઝન પોલીસને સોંપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
