Author: નોબત સમાચાર
નાની ખાવડી પાસે દારૂનું કટીંગ કરી રહેલા ત્રણ શખ્સ ૨૭૯ બોટલ સાથે ઝબ્બે
મોટર, દારૂ સહિત રૂ. ૫,૯૨,૮૦૦નો મુદ્દામાલઃ
જામનગર તા. ૫: જામનગર નજીકના સિક્કા પાસે નાની ખાવડી ગામથી મુંગણી ગામ તરફ જવાના રસ્તા પર મોટરમાં દારૂનું કટીંગ કરી રહેલા ત્રણ શખ્સને પોલીસે દબોચી લીધા છે. તેઓના કબજામાંથી દારૂની નાની મોટી ૨૭૯ બોટલ કબજે કરવામાં આવી છે. કુલ રૂ. ૫,૯૨,૮૦૦નો મુદ્દામાલ ઝબ્બે લેવામાં આવ્યો છે. ધ્રોલમાંથી દારૂની બે બોટલ સાથે એક શખ્સની ધરપકડ કરવામાં આવી છે.
જામનગર-ખંભાળિયા માર્ગ પર આવેલા સિક્કા પાટિયાથી સિક્કા ગામ તરફ જવાના રસ્તા પર આવેલા નાની ખાવડી-મુંગણી ગામ તરફના રોડ પર ગઈકાલે બપોરે એક મોટરમાં દારૂની હેરાફેરી થઈ રહી હોવાની બાતમી સિક્કા પોલીસ સ્ટેશનના જીતેન્દ્ર પરમાર, ભૂપેન્દ્રસિંહ, જયપાલ મેર, કે.કે. જાડેજાને મળતા પીઆઈએસ આર.એચ. બારને વાકેફ કરાયા પછી વોચ રાખવામાં આવી હતી.
તે દરમિયાન નાની ખાવડીથી મુંગણી તરફના રસ્તા પર બાવળની ઝાળીઓ પાસે મોટરમાં અંગ્રેજી શરાબનું કટીંગ કરી રહેલા મહેસાણા જિલ્લાના જોટાણા તાલુકાના કટોસણ ગામના જયેન્દ્રસિંહ ઉર્ફે બકુલસિંહ રાજેન્દ્રસિંહ જાડેજા, કરણસિંહ કનુભા ઝાલા ઉર્ફે પિન્ટુ અને સિક્કા ગામનો લક્ષ્મણ નારણભાઈ સિંધવ ઉર્ફે લખો નામના ત્રણ શખ્સ મળી આવ્યા હતા.
પોલીસે મોટરમાંથી ભારતીય બનાવટના અંગ્રેજી શરાબની ૧૪૧ મોટી બોટલ, ૧૩૮ ચપટા તથા જીજે-ર-ડીએ ૯૬૩૧ નંબરની બ્રીઝા મોટર, બે મોબાઈલ મળી કુલ રૂ. ૫,૯૨,૮૦૦નો મુદ્દામાલ કબજે કર્યાે છે. ત્રણેય શખ્સને રિમાન્ડ પર લેવાની તજવીજ કરવામાં આવી છે.
ધ્રોલ શહેરમાં જી.એમ. સ્કૂલ પાસેથી ગઈકાલે સાંજે ધ્રોલના ગોકુલ પાર્કવાળો જયરાજસિંહ નરેન્દ્રસિંહ જાડેજા નામનો શખ્સ દારૂની બે બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
