મુંબઈના કલ્યાણની બહુમાળી ઈમારતના ૧પ મા માળે ભીષણ આગઃ લોકોમાં ગભરાટ

Author: નોબત સમાચાર

મુંબઈના કલ્યાણની બહુમાળી ઈમારતના ૧પ મા માળે ભીષણ આગઃ લોકોમાં ગભરાટ

ફાયરબ્રિગેડની ટીમ દોડી

મુંબઈ તા. ર૭: મુંબઈના કલ્યાણની બહુમાળી ઈમારતના ૧પ મા માળે ભીષણ આગ લાગતા ફાયરબ્રિગેડ ઘટના સ્થળે પહોંચ્યું છે અને આગ અન્ય અન્ય ફ્લેટમાં ફેલાઈ રહી હોવાનું જાણવા મળે છે.

કલ્યાણમાં એક બહુમાળી ઈમારતમાં ભીષણ આગ લાગવાના સમાચાર જાણવા મળ્યા છે. આધારવાડી પરિસર સ્થિત જાણીની હાઉસીંગ સોસાયટીના એક ફ્લેટમાં આગ લાગ્યા પછી આગની જવાળાઓ આસપાસના વિસ્તારમાં પસરી હતી.

આગ લાગ્યાના અહેવાલ પછી ફાયરબ્રિગેડને જાણ કરવામાં આવી હતી. તેમ જ કેડીએમસી દ્વારા ફાયરબ્રિગેડની ટીમને રવાના કરવામાં આવી કેડીએમસીંના અધિકારીએ કહ્યું છે કે કલ્યાણ પશ્ચિમ સ્થિત આધારવાડી પરિસરમાં વ્હર્ટેક્સ હાઉસીંગ સોસાયટીમાં સાંજના ૬-૩૦ વાગ્યાના સુમારે એક ફ્લેટમાં આગ લાગી હોવાની જાણ થઈ હતી. અન્ય ફ્લેટમાં પણ આગ લાગી હતી

આગની જાણ પછી રહેવાસીઓ તાત્કાલિક ઘરની બહાર દોડી આવ્યા હતાં, અને ગભરાટ ફેલાયો હતો. અમુક લોકો ફસાયા હોવાની પણ જાણકારી મળી હતી.

ટોચના ત્રણ માળ પર આગ ફેલાયા પછી લોકો ગભરાઈ ગયા હતાં અને બચાવ કામગીરી માટે પણ લોકોને અનુરોધ કર્યો હતો. આગના વીડિયો પણ સોશિયલ મીડિયા પર વાયરલ થયા પછી લોકોએ ચિંતા વ્યક્ત કરી હતી. ફાયરબ્રિગેડની ચાર ગાડી ઘટના સ્થળે રવાના થઈ હતી, જ્યારે જવાનો દ્વારા આગ પર કાબૂ મેળવવાની યુદ્ધના ધોરણે કામગીરી હાથ ધરી હતી. આ લખાય છે ત્યાં સુધી કોઈ જાનહાનિના સમાચાર મળ્યા નથી.

જો કે, આગ કઈ રીતે લાગી એના અંગે નક્કર કારણ જાણવા મળ્યું નથી, પરંતુ આ આગના વીડિયો સોશિયલ મીડિયા પર વાયરલ થયા પછી મોટી સંખ્યામાં લોકો ઘટના સ્થળે દોડી આવ્યા હતાં.

જો આપને આ પોસ્ટ ગમી હોય તો શેર કરો...