Author: નોબત સમાચાર
હત્યાના ગુન્હામાં પેરોલ પર છૂટી નાસી ગયેલો શખ્સ મુંગણીમાંથી મળી આવ્યો
પેરોલ ફર્લો સ્કવોડે દબોચી લીધોઃ
જામનગર તા. ર૭: અમદાવાદના બાવળામાં થયેલી એક હત્યાના કેસમાં કાચા કામના કેદી તરીકે સાબર મતી જેલમાં રહેલા એક શખ્સે વચગાળાના જામીન પર મુક્ત થઈ પોબારા ભણ્યા હતા. તે શખ્સને પેરોલ ફર્લો સ્કવોડે મુંગણીમાંથી દબોચી લીધો છે.
અમદાવાદ જિલ્લાના બાવળા પોલીસ સ્ટેશનમાં વર્ષ ૨૦૨૧માં નોંધાયેલા હત્યાના એક ગુન્હામાં રાજકોટના આજી ડેમ પાસે રહેતા બાબુ દેવરાજ દેવીપૂજકનું નામ ખૂલ્યું હતું.
ત્યારપછી આ શખ્સને જેલ હવાલે કરાયો હતો અને અમદાવાદની જેલમાં બાબુ દેવીપૂજક કાચા કામના કેદી તરીકે રાખવામાં આવ્યો હતો.
તે દરમિયાન જુલાઈ મહિનામાં આ શખ્સને દસ દિવસના વચગાળાના જામીન પર મુક્ત કરાયા પછી આ શખ્સ જેલમાં હાજર થવાને બદલે નાસી ગયો હતો. તે આરોપીની કરાઈ રહેલી શોધખોળમાં જામનગર તાલુકાના મુંગણી ગામમાં બાબુ દેવીપૂજક આવ્યો હોવાની બાતમી મળતા જામનગરની પેરોલ ફર્લો સ્કવોડનો સ્ટાફ, પીએસઆઈ વાય.બી. રાણાના વડપણ હેઠળ ધસી ગયો હતો. ત્યાં મોટા તળાવ પાસેથી આ શખ્સને પકડી લેવામાં આવ્યો છે. તેને અમદાવાદની જેલમાં ધકેલી દેવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
