Author: નોબત સમાચાર
ડિસ્ટ્રીક્ટ સ્પોર્ટસ સંકુલ પાસે નિર્માણ થશે ૩૦૦ બેડની બોયઝ-ગર્લ્સ હોસ્ટેલ
ધારાસભ્ય રિવાબા જાડેજાની રજૂઆતને સફળતાઃ
જામનગર તા. ર૮: જામનગરમાં બેડી રોડ પર બુકબોન્ડ વાળી જગ્યામાં રાજ્ય સરકાર દ્વારા અદ્યતન અને સુવિધાપૂર્ણ જામનગર ડિસ્ટ્રીક્ટ સ્પોર્ટસ સંકુલના નિર્માણની કામગીરી પૂરજોશમાં ચાલી રહી છે.
આ સ્પોર્ટસ સંકુલ પાસે આવેલી અન્ય વિશાળ જગ્યામાં ૩૦૦ બેડની ક્ષમતા ધરાવતી બોયઝ અને ગર્લ્સ હોસ્ટેલનું નિર્માણ કરવા ૭૯-જામનગર (ઉત્તર) ના ધારાસભ્ય રિવાબા જાડેજાએ રાજ્યના મંત્રી હર્ષભાઈ સંઘવી સમક્ષ રજૂઆત કરી હતી. આ રજૂઆતને ધ્યાને લઈને અધિક નિવાસી કલેક્ટર ભાવેશ ખેરે જમીનની ઉપલબ્ધતા અંગે ખાત્રી કરી મામલતદાર કચેરી/સિટી સર્વ્ે કચેરીનો સંપર્ક કરી અનુકૂળ જમીનની પસંદગી કરે તે અંગે પ્રક્રિયા કરવા જણાવાયું છે.
આમ ચાર એકર જેટલી જમીનની ફાળવણી થશે તયાં સરકાર દ્વારા ૩૦૦ બેડની ક્ષમતા ધરાવતી બોયઝ-ગર્લ્સ હોસ્ટેલના નિર્માણ માટેની કામગીરી હાથ ધરાશે.
અત્રે ખાસ ઉલ્લેખનીય છે કે જામનગરને ડિસ્ટ્રીક્ટ સ્પોર્ટસ સંકુલની સુવિધા માટે પણ ધારાસભ્ય રિવાબા જાડેજાએ રાજ્ય સરકારમાં રજૂઆત કરી હતી. જે કામ અત્યારે ગતિમાં છે. હવે સ્પોર્ટસ સંકુલની બાજુમાં જ વિશાળ હોસ્ટેલની સુવિધા પણ રિવાબા જાડેજાના પ્રયાસોથી મળવા જઈ રહી છે. આ હોસ્ટેલના નિર્માણ થવાથી જામનગરમાં રાજ્ય કક્ષાની સ્પર્ધાઓ-ટુર્નામેન્ટોનું આયોજન કરી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
