Author: નોબત સમાચાર
પ્રસંગ માટે ભાડે રાખેલી હોટલનો હોલ ખાલી કરવાનું કહી પ્રૌઢ પર કરાયો પ્રહાર
સમાધાનનું કહી યુવકને ત્રણ શખ્સની ધમકીઃ
જામનગર તા. ૨૮: જામનગરના મચ્છરનગર વિસ્તારમાં રહેતા એક યુવાને પૈસાની લેતીદેતીના મામલે ચાલતા મનદુખ વચ્ચે મચ્છરનગરના બે શખ્સે ધમકી આપ્યાની તેમજ ઝિમ્બાબ્વેમાં રહેતા એક શખ્સે ફોન કરી ગાળો ભાંડી ધમકી આપ્યાની પોલીસમાં ફરિયાદ થઈ છે. ભાડે રાખેલી હોટલનો હોલ ખાલી કરી આપવા કહી ત્રણ શખ્સે દ્વારકામાં એક પ્રૌઢને ગાળો ભાંડી ફડાકો ઝીંક્યો હતો.
જામનગરના ગાંધીનગર નજીકના મચ્છરનગરમાં રહેતા કિશન રમેશભાઈ પાનસુરીયા નામના યુવાન ગઈ તા.પના દિને પોતાના ઘર પાસે હતા ત્યારે ત્યાં ધસી આવેલા હિતરાજ સિંહ વિક્રમસિંહ વાળા તથા દુષ્યંતસિંહ પૃથ્વીરાજસિંહ ઝાલા નામના શખ્સોએ ગાળો ભાંડી ધમકી આપી હતી.
ગયા સપ્ટેમ્બર મહિનામાં કિશનભાઈ જ્યારે ગુલાબનગર સામે મોહનનગર આવાસમાં ગણેશ પંડાલ પર હતા ત્યારે ત્યાં તેમનો મિત્ર મીહિર હાજર હતો ત્યારે હિતરાજસિંહ આવ્યો હતો. તેણે મારા પર કિશને ફરિયાદ કરી છે, તેને મારી નાખવો છે તેમ કહી ધમકી આપી હતી. તે પછી કિશનના ઘેર આવી દુષ્યંતસિંહેે પણ સમાધાન કરી લેજે નહીં તો તને મારી નાખીશ તેવી ધમકી આપી હતી. જ્યારે સતત બે મહિના સુધી મૂળ મચ્છરનગરના અને હાલમાં ઝિમ્બાબ્વેમાં રહેતા છત્રપાલસિંહ જાડેજાએ ત્યાંના નંબર પરથી અવારનવાર કોલ કરી ગાળો ભાંડી સમાધાન કરવા માટે ધમકી આપી આખા પરિવારને પતાવી દેવાની શેખી મારી હતી.
આ બાબતની સિટી બી ડિવિઝન પોલીસ સ્ટેશનમાં કિશન પાનસુરીયાએ ફરિયાદ નોંધાવી છે. પીએસઆઈ ઝેડ.એમ. મલેકે ગુન્હો નોંધી આરોપીઓની શોધ આદરી છે.
દ્વારકા શહેરમાં જૂના બસ સ્ટેન્ડ પાસે રહેતા આશિષભાઈ લક્ષ્મીકાંત પાઢ નામના પ્રૌઢના પુત્રના લગ્ન પ્રસંગે તેઓએ દ્વારકામાં ગયા બુધવારથી શનિવાર સુધી દેવીભુવન હોટલ પાસે રાખી હતી.
તે પછી ચેતન નામના શખ્સે આ હોટલનો હોલ ખાલી કરી આપવા કહેતા અને આશિષ પાઢે તે હોટલ શનિવાર સુધી ભાડા પર હોવાનું કહેતા બોલાચાલી થઈ હતી. તે પછી ગઈકાલે સાંજે જોધાભા માણેક ચોક પાસે આશિષભાઈના ઘેર જઈ ચેતન અને બે અજાણ્યા શખ્સે તેઓને બહાર બોલાવ્યા પછી ફડાકો ઝીંકી ગાળો ભાંડી હતી અને પગ ભાંગી નાખવાની ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
