દ્વારકા જિલ્લા પોલીસતંત્રનું રેન્જ આઈજી દ્વારા કરાયું વાર્ષિક ઈન્સ્પેક્શનઃ પરેડ યોજાઈ

Author: નોબત સમાચાર

દ્વારકા જિલ્લા પોલીસતંત્રનું રેન્જ આઈજી દ્વારા કરાયું વાર્ષિક ઈન્સ્પેક્શનઃ પરેડ યોજાઈ

ઈન્સ્પેક્શન પછી આઈજીએ કર્યું પરેડનું નિરીક્ષણઃ

ખંભાળિયા તા. ર૮: દેવભૂમિ દ્વારકા જિલ્લાના પોલીસતંત્રના વાર્ષિક ઈન્સ્પેકશન માટે આવેલા રાજકોટ રેન્જ આઈજીએ ઈન્સ્પેકશન પછી પરેડનું નિરીક્ષણ કર્યું હતું. જેમાં પોલીસ સ્ટાફે દુર્ઘટનાના સમયમાં કરવાની થતી મદદ તેમજ કપડા પરથી આરોપીને શોધી કાઢવાની કાર્યવાહી સહિતના ડેમોસ્ટ્રેશન રજૂ કર્યા હતા.

દેવભૂમિ દ્વારકા જિલ્લાની મુલાકાત તેમજ ત્રણ દિવસના વાર્ષિક ઈન્સ્પેક્શન માટે આવેલા રાજકોટ રેન્જના પોલીસવડા અશોક યાદવે ખંભાળિયાના ભાણવડમાં પોલીસ પરેડ ગ્રાઉન્ડમાં વાર્ષિક ઈન્સ્પેક્શન કર્યું હતું. ત્યારપછી પરેડનું નિરીક્ષણ પણ કર્યું હતું.

જિલ્લા પોલીસવડા નિતેશ પાંડેય, ડીવાયએસપી ડો. હાર્દિક પ્રજાપતિ, સાગર રાઠોડ ની ઉપસ્થિતિમાં રેન્જ આઈજી દ્વારા પરેડમાં ભાગ લેનાર દરેક પ્લાટુન સાથે ફોટોગ્રાફી કરી તેમને પ્રોત્સાહિત કર્યા હતા.

દ્વારકા જિલ્લા પોલીસ માઉન્ટેડ વિભાગ દ્વારા સ્ટેન્ડીંગ સેલ્યુટ, ટેન્ટ પેગીંગ, બાર જમ્પિંગ ઈવેન્ટ સહિતના કાર્યક્રમો પણ યોજાયા હતા.

ઘોડેશ્વાર પોલીસ દ્વારા ઘોડીની મદદથી થતી કામગીરી, દોડ, બાર જમ્પિંગ તથા ગુન્હાશોધક દ્વારા થતી કાર્યવાહી, દુર્ઘટનાના બનાવમાં તેની મદદ, અપરાધના કપડા, રૂમાલ ઉપરથી તેને શોધી કાઢવાના ડેમોસ્ટ્રેશન પણ કરાયા હતા જેમાં પોલીસ કર્મચારીઓએ ઉત્સાહપૂર્વક ભાગ લીધો હતો તથા પોલીસની કામગીરી પ્રશંસનીય રહી હતી. સમગ્ર દ્વારકા જિલ્લાના પોલીસ અધિકારીઓ તથા કર્મચારીઓ મોટી સંખ્યામાં હાજર રહ્યા હતા.

જો આપને આ પોસ્ટ ગમી હોય તો શેર કરો...