Author: નોબત સમાચાર
ખેતી ઉત્પન્ન બજાર સમિતિ - હાપા માર્કેટીંગ યાર્ડમાં મતદાન શરૃઃ કાલે મતગણતરી
ડાયરેકટર્સની ૧૪ બેઠકો માટે ર૮ ઉમેદવારો મેદાનમાંઃ ૮૭૦ મતદારોઃ 'આપ'ના ઉમેદવાર ઉપરાંત ભાજપ પ્રેરિત પેનલ સાથે પક્ષના જ બે ઉમેદવારોએ ભર્યા ફોર્મ
ખેતી વાડી ઉત્પન્ન બજાર સમીતિ જામનગર (હાપા માર્કેટ યાર્ડ)ના ૧૪ ડાયરેકટર માટેની ચૂંટણીમાં આજે મતદાન પ્રક્રિયા ચાલી રહી છે. કુલ ૧૪ બેઠક માટે ર૮ ઉમેદવારો ચૂંટણી મેદાનમાં છે. હાપા માર્કેટ યાર્ડની ચૂંટણી સમરસ થાય તેવા પ્રયત્નો થયા હતાં. પરંતુ તેમાં સફળતા મળી નથી. ખેડૂત વિભાગની ૧૦ બેઠક માટે ૧૭ ઉમેદવારો અને વેપારી વિભાગની ૪ બેઠક ૧૧ ઉમેદવારોએ ચૂંટણીમાં ઝુકાવ્યું છે. ખેડૂત વિભાગમાં ૭૬૦ અને વેપારી વિભાગ ૧૧૦ મળી કુલ ૧૪ બેઠક માટે ૮૭૦ મતદારો પોતાના મતાધિકારનો ઉપયોગ કરનાર આજે સોમવારે સવારે ૯ વાગ્યે માર્કેટ યાર્ડમાં મતદાન પ્રક્રિયાનો પ્રારંભ થયો છે. જે સાંજે પાંચ વાગ્યા સુધી ચાલનાર છે. આ પછી આવતીકાલે મતગણતરી હાથ ધરવામાં આવશે. ખેડૂત વિભાગમાં ભાજપ પ્રેરીત પેનલ સામે પક્ષનાં જ બે સભ્યોએ ઉમેદવારી નોંધાવી ઉપરાંત આમ આદતીમ પાર્ટીનાં જીલ્લા પ્રમુખ વશરામભાઈ રાઠોડ પણ ચૂંટણી મેદાનમાં છે. ચૂંટણી અધિકારીઓ જીલ્લા રજીસ્ટ્રારની સિધી દેખરેખ હેઠળ મતદાન પ્રક્રિયા ચાલી રહી છે અને હવે યાર્ડમાં સત્તા કોણ સંભાળે છે. તેનો જવાબ આવતીકાલે મતગણતરી પછી જ જાણી શકાશે. આજે મતદાનની પ્રક્રિયા દરમિયાન બપોરે ૦૧ઃ૦૦ વાગ્યા સુધીમાં ખેડૂત વિભાગની ૧૦ સિટ માટેના નોંધાયેલા ૭૬૦ ઉમેદવારો પૈકી ૬૧૩ ઉમેદવારોએ મતદાન કરી લીધું હતું અને૯૦ ટકા જેટલું મતદાન થઈ ગયું છે. તે જ રીતે વેપારી વિભાગની ચાર બેઠકો માટે કુલ ૧૧૦ મતદારો નોંધાયા છે, જે પૈકી ૧૦૭ મત પડી જતાં ૯૫ ટકા થી વધુ મતદાન થઈ ગયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
