Author: નોબત સમાચાર
ભારતીય જનતા પાર્ટી જામનગર શહેરનું યોજાયું સ્નેહમિલન
સાંસદ, ધારાસભ્યો સહિતના નેતાઓનું પ્રેરક ઉદ્દબોધન
જામનગર તા. રરઃ જામનગર શહેર ભારતીય જનતા પાર્ટીના નૂતન વર્ષ નિમિત્તે સ્નેહ મિલનનો કાર્યક્રમ ઓશવાળ સેન્ટરમાં યોજાયો હતો. જેમાં ભાજપના ચૂંટાયેલા નેતાઓ, હોદ્દેદારો, તેમજ એનજીઓ, સામાજિક સંસ્થાના પ્રતિનિધિઓ, કાર્યકર્તાઓ, પક્ષના સમર્થકો ઉપસ્થિત રહ્યા હતાં.
ભાજપના શહેર અધ્યક્ષ ડો. વિમલભાઈ કગથરાએ સ્વાગત પ્રવચન કર્યું હતું. આ સ્નેહ મિલન સમારોહમાં સાંસદ સભ્ય પૂનમબેન માડમ, કાલાવડના ધારાસભ્ય મેઘજીભાઈ ચાવડા, ૭૮-જામનગર (ઉત્તર)ના ધારાસભ્ય રિવાબા જાડેજા, ૭૯ જામનગર (દક્ષિણ)ના ધારાસભ્ય દિવ્યેશભાઈ અકબરીએ પ્રાસંગિક ઉદ્દબોધન કરી ભાજપના કાર્યકર્તાઓની પક્ષપ્રત્યેની નિષ્ઠા અને દરેક ચૂંટણીમાં તેમની જહેમતને બિરદાવી હતી.
આ કાર્યક્રમમાં શહેર ભાજપના પ્રકાશભાઈ બામણીયા, વિજયસિંહ જેઠવા, મેરામણભાઈ ભાટુ, જિલ્લા અધ્યક્ષ રમેશભાઈ મુંગરા, પ્રભારી પલ્લવી ઠાકર, મેયર વિનોદ ખીમસુર્યા, ડે. મેયર ક્રિષ્નાબેન સોઢા, દંડક કેતન નાખવા, સ્ટે. કમિટી ચેરમેન નિલેશ કગથરા, પૂર્વ મંત્રી વસુબેન ત્રિવેદી, પૂર્વ ધારાસભ્યો લાલજીભાઈ સોલંકી, મનહરભાઈ ઝાલા, પૂર્વ શહેર અધ્યક્ષો હસમુખ હિંડોચા, હિતેનભાઈ ભટ્ટ, નિલેશભાઈ ઉદાણી, અશોકભાઈ નંદા, મુકેશભાઈ દાસાણી, પૂર્વ મેયરો બીનાબેન કોઠારી, હસમુખ જેઠવા, પ્રતિભાબેન કનખરા, દિનેશ પટેલ, સનતભાઈ મહેતા, વોર્ડ પ્રમુખો, પ્રભારીઓ, મહિલા મોરચા, બક્ષીપંચ મોરચા, યુવા મોરચા, અનુ. મોરચો, કિસાન મોરચો, વોર્ડ સમિતિના પદાધિકારીઓ, પેઈજ પ્રમુખો સહિત વિશાળ સંખ્યામાં કાર્યકર્તાઓ, એનજીઓ, સામાજિક સંસ્થાઓ સમર્થકો ઉપસ્થિત રહ્યા હતાં. કાર્યક્રમનું સંચાલન ગોપાલ સોરઠીયા તથા વસંતભાઈ ગોરી દ્વારા કરવામાં આવ્યું હતું. ભારતીય જનતા પાર્ટી મિડીયા કન્વીનર ભાર્ગવ ઠાકર તથા સહ કન્વીનર દીપા સોનીએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
