Author: નોબત સમાચાર
ચંદ્રગઢ ગામ પાસે બાવળની ઝાડીમાંથી ઝડપાઈ દેશી દારૂની ભઠ્ઠી
નગરમાંથી બે બોટલ દારૂ ઝબ્બેઃ
જામનગર તા. ૧રઃ જામનગરના દિગ્વિજય પ્લોટ વિસ્તારમાંથી પોલીસે ગઈકાલે બે શખ્સને ઈંગ્લિશ દારૂની બે બોટલ સાથે પકડી પાડયા છે. જ્યારે જામનગરના ચાંપાબેરાજા ગામમાંથી ચંદ્રગઢ ગામ વચ્ચેથી દેશી દારૂની ભઠ્ઠી પોલીસે પકડી પાડી છે. જામનગરના દિગ્વિજય પ્લોટ વિસ્તારની શેરી નં. પ૮માં આવેલા હિંગળાજ ચોક પાસેથી ગઈકાલે સાંજે પસાર થઈ રહેલાં જનતા ફાટક નજીકની સર્વાેદય સોસાયટી પાસે રહેતાં યશ રાજેશભાઈ મહેતા નામના શખ્સને રોકાવી પોલીસે તેની તલાસી લેતાં તેના કબજામાંથી દારૂની એક બોટલ મળી આવી હતી. પોલીસે દારૂની બોટલ કબજે કરી ગુન્હો નોંધ્યો છે. જામનગરના દિગ્વિજય પ્લોટ વિસ્તારની શેરી નં. ૪૯માં નહેરૂનગરમાં રહેતાં રાજેશ દેવજીભાઈ સાગઠીયા નામના શખ્સને પોલીસે ઈંગ્લીશ દારૂની બોટલ સાથે પકડી પાડી બોટલ ઝબ્બે લીધી છે. જામનગર તાલુકાના ચાંપાબેરાજા ગામમાં રહેતો બહાદુરસિંહ મદારસિંહ જાડેજા નામનો શખ્સ ચંદ્રગઢ ગામ પાસેથી દેશી દારૂની ભઠ્ઠી ચલાવતો મળી આવ્યો છે. પોલીસે ત્યાંથી ૧૦૦ લીટર આથો, ૪ લીટર તૈયાર દેશી દારૂ અને ભઠ્ઠીના સાધનો કબ્જે કરી બહાદુરસિંહ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
