Author: નોબત સમાચાર
જામનગર તાલુકાના ચેલા, જગા તથા વેરાવળમાંથી મળી દેશી દારૃની ભઠ્ઠી
દરેડમાંથી ઈંગ્લીશ દારૃની બોટલ પકડાઈઃ
જામનગર તા. ૬ઃ જામનગરના દરેડમાં બસ સ્ટેન્ડ પાસેથી એક શખ્સ ઈંગ્લીશ દારૃની બોટલ સાથે ઝડપાયો છે. એલસીબીએ જગા, ચેલા તથા જામજોધપુરના વેરાવળ ગામમાંથી દેશી દારૃની ભઠ્ઠીઓ પકડી પાડી છે.
જામનગર નજીકના દરેડમાં બસ સ્ટેન્ડ પાસે ગઈકાલે સાંજે પોલીસ દ્વારા કરવામાં આવી રહેલા પેટ્રોલિંગમાં ગ્રીન સિટી પાસે મંગલધામ સોસાયટીમાં રહેતો ભોલાસિંહ રામનંદન સિંહ પટેલ નામનો શખ્સ દારૃની એક બોટલ સાથે મળી આવ્યો હતો. પોલીસે બોટલ કબજે કરી તેની ધરપકડ કરી છે.
જામનગર તાલુકાના જગા ગામની સીમમાં ડેમના કાંઠે દેશી દારૃની ભઠ્ઠી ધમધમતી હોવાની બાતમી પરથી ગઈકાલે બપોરે એલસીબી સ્ટાફે ત્યાં દરોડો પાડ્યો હતો. હિતેન્દ્રસિંહ બચુભા જાડેજા નામના શખ્સની મનાતી ભઠ્ઠી ત્યાંથી મળી આવી હતી. સ્થળ પરથી ૨૦૦ લીટર આથો, બેરલ, તગારા, ચુલો, બાટલો મળી આવ્યા હતા. દરોડા પહેલાં આરોપી નાસી ગયો હતો.
ચેલા ગામમાં શેખાવત શિવરાજસિંહ ગુમાનસિંહ નામના શખ્સના રહેણાંકમાં એલસીબીએ દરોડો પાડી ત્યાંથી ૬૦ લીટર આથો, ૧૯ લીટર તૈયાર દેશી દારૃ કબજે કર્યાે છે. આ શખ્સે પોતાના સાગરિત જયદીપસિંહ રણજીતસિંહ ભટ્ટી, વિમલસિંહ બહાદુરસિંહ કેર તથા અરૃણાબા હેમતસિંહ ભટ્ટીના નામ આપ્યા છે.
એલસીબીએ જામજોધપુર તાલુકાના વેરાવળ ગામમાં જાંબુડી વિસ્તારમાં ઈમરાન આમદ રાવકરડા નામના શખ્સના મકાનમાંથી ૧૦૦ લીટર આથો તથા ૪૦ લીટર તૈયાર દારૃ પકડી પડાયો છે. આરોપી દરોડા પહેલાં નાસી ગયો હતો.
જામજોધપુર શહેરમાં સ્ટેશન રોડ પરથી ગઈકાલે સાંજે પસાર થતાં વરજાંગ ઉર્ફે પાલા કેશુભાઈ હરિયાણી નામના શખ્સને દેશી દારૃની આઠ કોથળી સાથે પકડી પાડવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
