Author: નોબત સમાચાર
જામનગરના બર્ધનચોકમાં ગેરકાયદે દુકાનનું બાંધકામ તોડી પડાયું
ભરચક્ક વિસ્તારમાં દુકાન ખડકાઈ હતી
જામનગરના બર્ધનચોકમાં ગેરકાયદે ખડકાયેલ બે માળની દુકાનને આજે જામનગર મહાનગરપાલિકાની એસ્ટેટ શાખાની ટીમ દ્વારા તોડી પાડવામાં આવી હતી. ચુસ્ત પોલીસ બંદોબસ્ત વચ્ચે આ બાંધકામ તોડી પાડવામાં આવી રહ્યું છે. જામનગરના બર્ધનચોક જેવા ભરચક્ક વિસ્તારમાં ગ્રાઉન્ડ ફલોર ઉપરાંત બે માળની દુકાનનું ગેરકાયદે બાંધકામ ખડકી દેવામાં આવ્યું હતું. આ અંગે મહાનગરપાલિકા દ્વારા બાંધકામ ધારકને નોટીસ પાઠવવામાં આવી હતી. આ પછી આજે મહાનગરપાલિકાની એસ્ટેટ શાખાની ટીમ ઓપરેશન ડિમોલીશન માટે આવી પહોંચી હતી અને દુકાનનું ગેરકાયદે બાંધકામ તોડી પાડવાની કામગીરી શરૃ કરી હતી. જામનગર મહાનગરપાલિકાના અધિકારી મુકેશ વરણવા, એન.આર. દિક્ષિત, સુનિલ ભાનુશાળી, ઉર્મિલ દેસાઈ, યુવરાજસિંહ ઝાલા, અનવર ગજણ સહિતની ટીમની સીધી દેખરેખ હેઠળ એસ્ટેટ શાખાના સ્ટાફ દ્વારા પાડતોડની કામગીરી હાથ ધરવામાં આવી છે. એક માળે આશરે ૪પ મળી કુલ ૧૩પ ચોરસ ફૂટનું ગેરકાયદે બાંધકામ કરવામાં આવ્યું હતું. જેને તોડી પાડવામાં આવી રહ્યું છે. આ પાડતોડ સમયે ચુસ્ત પોલીસ બંદોબસ્ત જાળવવામાં આવ્યો છે. બપોર સુધીમાં ગ્રાઉન્ડ ફલોર તથા બે માળની દુકાનનું ગેરકાયદે બાંધકામ દૂર કરાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
