ભીડભંજન મંદિર પાસેથી સ્કૂટરની ચોરી કરનાર શખ્સને દબોચી લેવાયો

Author: નોબત સમાચાર

ભીડભંજન મંદિર પાસેથી સ્કૂટરની ચોરી કરનાર શખ્સને દબોચી લેવાયો

માત્ર પંદર મિનિટમાં સ્કૂટરથી થઈ હતી ઉઠાંતરીઃ

જામનગર તા. ૩૦: જામનગરના ભીડભંજન મહાદેવ મંદિર પાસેથી ગયા શનિવારે સવારે માત્ર પંદર મિનિટમાં સ્કૂટરની ચોરી થઈ હતી. તેની તપાસમાં પોલીસે ગણતરીની કલાકોમાં ચોરાઉ સ્કૂટર સાથે એક શખ્સને પકડી પાડ્યો છે.

જામનગરના દિગ્વિજય પ્લોટ વિસ્તારની શેરી નંબર ૫૯માં રહેતા ભાવિકભાઈ નીતિનભાઈ જોઈસર નામના આ સમયે શનિવારે સવારે નવેક વાગ્યે ભીડભંજન મહાદેવ મંદિર નજીક પોતાનું હીરો કંપનીનું રૂપિયા ૩૦,૦૦૦ની કિંમતનું સ્કૂટર પાર્ક કર્યું હતું ત્યાંથી માત્ર ૧૫ મિનિટમાં તે વાહન ચોરાઈ ગયાની સિટી બી ડિવિઝન પોલીસ સ્ટેશનમાં જાણ કરવામાં આવી હતી.

આ ગુન્હાની પીઆઈ પી.પી. ઝાના માર્ગદર્શન હેઠળ તપાસ શરૂ કરાયા પછી એએસઆઈ રઘુભા પરમાર, જયદીપસિંહ, ક્રિપાલસિંહને બાતમી મળી હતી કે, આ સ્કૂટર સાથે એક શખ્સ ધનવંતરી મેદાન સામે આવ્યો છે. ત્યાં ધસી ગયેલી પોલીસે બેડેશ્વર પાસે રહેતા જીતેન્દ્રસિંહ લખુભા રાઠોડ નામના શખ્સને જીજે-૧૦-ડીએલ ૭૯૪ નંબરના સ્કૂટર સાથે પકડી પાડ્યો હતો. તે સ્કૂટર અંગે પૂછપરછ કરાતા આ શખ્સે તે વાહન ભીડભંજન મંદિર પાસેથી ચોર્યાની કબૂલાત કરી છે. પોલીસે તેની ધરપકડ કરી સ્કૂટર કબજે કર્યું છે.

જો આપને આ પોસ્ટ ગમી હોય તો શેર કરો...