Author: નોબત સમાચાર
સત્યમ્ કોલોની અન્ડરબ્રિજમાં પાણીના વહેણમાં તણાયેલા પિતા-પુત્રના થયા મૃત્યુ
કિડનીની બીમારીથી પીડિત યુવકનું મૃત્યુઃ
જામનગર તા. ૩૦: જામનગરના સત્યમ્ કોલોની નજીકના અન્ડરબ્રિજમાં ગયા મંગળવારે રાત્રે પિતા-પુત્ર પાણીના વહેણમાં તણાઈ ગયા પછી બંનેના મૃત્યુ નિપજ્યાનું પોલીસમાં જાહેર થયું છે. બંને વ્યક્તિ જામજોધપુરમાં યોજાયેલા કુટુંબના એક પ્રસંગમાંથી પરત આવી ઘરે જતા હતા ત્યારે તણાઈ ગયા હતા. તે ઉપરાંત કિડનીની બીમારીથી પીડાતા નગરના યુવકનું મૃત્યુ નિપજ્યું છે.
જામનગરના સત્યમ્ કોલોની વિસ્તારમાં આવેલા અન્ડરબ્રિજ નજીક સુંદરમ્ એપાર્ટમેન્ટમાં ગ્રાઉન્ડ ફલોરમાં રહેતા શુભમપરી પ્રદીપપરી ગોસ્વામી (ઉ.વ.૧૧) તથા તેમના પિતા પ્રદીપપરી લાલપરી ગોસ્વામી (ઉ.વ.૪૫) નામના વ્યક્તિઓ ગયા મંગળવારે જામજોધપુરમાં તેમના કુટુંબમાં યોજાયેલા એક શુભ પ્રસંગમાં ગયા હતા.
ત્યાંથી રાત્રિના સમયે પિતા તથા પુત્ર પરત ફર્યા પછી ઘર તરફ જતા હતા ત્યારે સત્યમ્ કોલોનીના અન્ડરબ્રિજ નજીક પહોંચ્યા પછી ત્યાં પાણી ભરેલા ખાડામાં પડી ગયા હતા. બંને વ્યક્તિ જોશભેર વહેતા પાણીમાં તણાઈ ગયા હતા. તેઓના મૃત્યુ નિપજ્યા છે. જામજોધપુરમાં રહેતા વિપુલપરી નટવરપરી ગોસ્વામીએ પોલીસને જાણ કરી છે. જામનગરના શંકરટેકરી વિસ્તારમાં આવેલા વલ્લભ નગર પાસે વાલ્મિકીવાસમાં રહેતા વિશાલભાઈ વલ્લભ ભાઈ સોલંકી (ઉ.વ.૩૮) નામના યુવાન કિડનીની બીમારીથી પીડાતા હતા. તેઓની બુધવારે બપોરે તબીયત લથડતા સારવાર માટે જી.જી. હોસ્પિટલમાં ખસેડવામાં આવ્યા હતા જ્યાં ફરજ પરના તબીબે તેઓને મૃત્યુ પામેલા જાહેર કર્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
