Author: નોબત સમાચાર
સામાન ખરીદવા આવેલા ગ્રાહકે વૃદ્ધ દુકાનદારને માથામાં ઝીંક્યો પથ્થર
જમ્યા પછી સામાન આપવાનું કહેતા ઉશ્કેરાયોઃ
જામનગર તા. ૧રઃ જામનગરના સ્વામીનારાયણ નગર પાછળ ડ્રીમ સિટીમાં રહેતા એક વૃદ્ધ પોતાની દુકાન બંધ કરીને ગઈકાલે બપોરે જમવા ઘેર આવ્યા ત્યારે માલ ખરીદવા આવેલા એક ગ્રાહકે અત્યારે જ માલ આપો તેમ કહી ગાળો ભાંડી હુમલો કર્યાની ફરિયાદ કરવામાં આવી છે.
જામનગરના નાગનાથ નાકા પાસે આવેલા હાલાર હાઉસ નજીકના સ્વામીનારાયણ નગર પાછળ ડ્રીમ સિટીમાં રહેતા દિવ્યકાંત રામજીભાઈ જેઠવા નામના વૃદ્ધ ગઈકાલે બપોરે ત્રણેક વાગ્યે પોતાના ઘરે જમવા આવ્યા હતા.
આ વેળાએ તેઓની દુકાન બંધ જોઈને પ્રવીણ ચાવડા નામનો ઈન્દિરા સોસાયટીમાં રહેતો શખ્સ ગ્રાહક બનીને આવ્યો હતો. તેણે બારણું ખખડાવતા દિવ્યકાંતભાઈના પુત્ર બકુલભાઈએ મારા પિતા જમવા બેઠા છે, જમીને સામાન કાઢી આપશે તેમ કહેતા પ્રવીણે ગાળો ભાંડી હતી. વચ્ચે પડેલા દિવ્યકાંતભાઈને આ શખ્સે પથ્થર ઉપાડીને માથામાં ઝીંકી દીધો હતો. ઈજા પામેલા આ વૃદ્ધને સારવારમાં ખસેડવામાં આવ્યા છે. પોલીસે તેમની ફરિયાદ પરથી પ્રવીણ ચાવડા સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
