Author: નોબત સમાચાર
ભારતની અનિચ્છા છતાં ટ્રમ્પે પ્રશ્ન પૂછીને ફોટોસેશનને સંપૂર્ણ પ્રેસ કોન્ફરન્સમાં બદલી નાંખી !
રાજદૂત સર્જિયો ગોરે ખોલ્યુ જી-૭નુ ચોંકાવનારૂ રહસ્ય
નવી દિલ્હી તા. ૨૪: અમેરિકાના રાજદૂત સર્જિયો ગોરે દાવો કર્યો છે કે, ફ્રાન્સના એવિયાન-લેસ-બેન્સમાં જી-૭ સમિટ દરમિયાન પીએમ મોદી અને ડોનાલ્ડ ટ્રમ્પની બેઠકમાં ભારત પ્રેસ કોન્ફરન્સ ઇચ્છતું ન હતું. ભારતીય વિદેશ મંત્રાલયે પ્રશ્નોત્તરી ટાળવા કહૃાું હતું. ટ્રમ્પ શરૂઆતમાં સંમત થયા, પરંતુ કેમેરા સામે તેમણે પત્રકારોને *કોઈ સવાલ?* પૂછી લીધું. આથી ૪૫ મિનિટની લાંબી પ્રેસ કોન્ફરન્સ થઈ હતી.
ભારતમાં અમેરિકાના રાજદૂત સર્જિયો ગોરે એક મોટો અને ચોંકાવનારો દાવો કર્યો છે. તેમના જણાવ્યા મુજબ, ફ્રાન્સના એવિયાન-લેસ-બેન્સમાં યોજાયેલી જી-૭ સમિટ દરમિયાન વડાપ્રધાન નરેન્દ્ર મોદી અને અમેરિકન પ્રમુખ ડોનાલ્ડ ટ્રમ્પ વચ્ચેની બેઠક વખતે ભારત સંપૂર્ણ પ્રેસ કોન્ફરન્સ કે પ્રશ્નોત્તરી યોજવાના પક્ષમાં નહોતું.
એક ફોરમમાં વાતચીત કરતી વખતે સર્જિયો ગોરે આ બેઠક અગાઉના પડદા પાછળના દૃશ્યો યાદ કર્યા હતા. ગોરે જણાવ્યું કે, બેઠક પહેલા હું અને ટ્રમ્પ બેકસ્ટેજમાં એકલા હતા ત્યારે ભારતીય પક્ષની પ્રાથમિકતાઓ અંગે ચર્ચા થઈ હતી. ગોરના જણાવ્યા મુજબ, ભારતીય વિદેશ મંત્રાલય (એમઈએ) એ સ્પષ્ટ કર્યું હતું કે મીડિયાને ફોટો-ઓપ માટે બોલાવવામાં આવે પરંતુ સંપૂર્ણ પ્રેસ કોન્ફરન્સ કે સવાલ-જવાબ ન થાય, કારણ કે 'ભારતીય પક્ષને પ્રશ્નોત્તરી પસંદ નથી'.
ગોરે દાવો કર્યો કે ટ્રમ્પ શરૂઆતમાં આ શરત માટે તૈયાર થઈ ગયા હતા અને તેમણે કોઈ વાંધો ઉઠાવ્યો નહોતો. પરંતુ જ્યારે બંને નેતાઓ કેમેરા અને મીડિયા સમક્ષ સામસામે બેઠા (જ્યાં આશરે ૫૦ જેટલા કેમેરા હાજર હતા), ત્યારે વાતો પૂરી થયા પછી ટ્રમ્પે અચાનક પત્રકારો તરફ વળીને પૂછી લીધું *કોઈ સવાલ?*.
યુએસ રાજદૂતના જણાવ્યા અનુસાર, ટ્રમ્પના આ એક જ સવાલથી આખી સ્થિતિ બદલાઈ ગઈ હતી. ત્યારબાદ આ ચર્ચા આશરે ૪૫ મિનિટ સુધી ચાલેલી એક લાંબી અને પૂર્ણ કદની પ્રેસ કોન્ફરન્સમાં ફેરવાઈ ગઈ હતી, જેમાં પત્રકારોએ અનેક વૈશ્વિક અને દ્વિપક્ષીય મુદ્દાઓ પર સવાલો પૂછ્યા હતા.
નોંધનીય છે કે, ૧૭ જૂને ફ્રાન્સમાં યોજાયેલી આ હાઇ-પ્રોફાઇલ બેઠક અંગે અમેરિકી રાજદૂત સર્જિયો ગોરના આ દાવા સામે હજુ સુધી ભારત સરકાર કે વિદેશ મંત્રાલય તરફથી કોઈ સત્તાવાર પ્રતિક્રિયા કે સ્પષ્ટતા આવી નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
