Author: નોબત સમાચાર
સલાયાથી નિઃશુલ્ક વ્રજ યાત્રાનું થયું પ્રસ્થાનઃ દ્વારકાધીશનો જયઘોષ
લોહાણા મહાજનના પ્રમુખ ભરતભાઈ લાલના હસ્તે
સલાયા તા. ૧૬: સલાયા લોહાણા મહાજન આયોજીત નિઃશુલ્ક વ્રજયાત્રાનું સલાયાથી પ્રસ્થાન લોહાણા મહાજન પ્રમુખ ભરતભાઈ લાલે કરાવ્યું હતું.
સલાયા લોહાણા મહાજન દ્વારા ૧૦ દિવસનો નિઃશુલ્ક વ્રજયાત્રા પ્રવાસનું આયોજન કરવામાં આવેલ હતું. જેમાં ૫૬ રઘુવંશી સિનિયર સિટિઝન ભાઈઓ-બહેનોને લઈને નાથદ્વારા, મથુરા, ગોકુલ અને વૃંદાવનના યાત્રાનું સુંદર આયોજન કરાયું છે. જે યાત્રા પ્રવાસ સલાયાથી રવાના થયો હતો. જેને સલાયા લોહાણા મહાજનના પ્રમુખ અને આ યાત્રાના મુખ્ય આયોજક ભરતભાઈ લાલ તેમજ તેમના ધર્મપત્ની ભારતીબેન લાલએ લીલી ધજા બતાવી અને પ્રસ્થાન કરાવ્યું હતું.
આ નિઃશુલ્ક યાત્રા પ્રવાસમાં કિસૂમવારા જયંતભાઈ બદીયાણીનો મહત્તમ આર્થિક યોગદાન મળેલ છે, તેમજ સલાયાના રઘુવંશી ભરતભાઈ લાલ તથા રમણીકભાઈ બથિયા દ્વારા પણ આ યાત્રા પ્રવાસમાં આર્થિક યોગદાન મળેલ છે. આ યાત્રા પ્રવાસ આજરોજ ૧પ તારીખે સલાયાથી નીકળી ર૪ તારીખે રાત્રિના સલાયા પરત ફરશે. દ્વારકાધીશના જયઘોષ સાથે આ યાત્રાના સંઘે પ્રસ્થાન કર્યુ હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
