Author: નોબત સમાચાર
પાંચમા માળે એક દિવસ બંધ રહેલા ફ્લેટમાં રોકડ તથા વીટી મળી પોણા બે લાખની ચોરી
આસામી પોતાના ભાઈના ઘરે ગયા અને થયો હાથફેરોઃ
જામનગર તા. ૧૬: જામનગરના સરૂ સેક્શન રોડ પર આવેલા એક બિલ્ડીંગના પાંચમા માળ સ્થિત બંધ ફલેટમાં સપ્તાહ પૂર્વે ત્રાટકેલા કોઈ તસ્કરે શયનખંડમાં રાખવામાં આવેલા કબાટમાંથી રૂા.૧ લાખ ૭૦ હજાર રોકડા અને સોનાની બે વીટીની ચોરી કર્યાની પોલીસમાં ફરિયાદ કરાઈ છે. આ આસામી એક દિવસ માટે બહાર ગયા હતા ત્યારે તેમના ઘરમાં ચોરી થઈ ગઈ હતી.
જામનગરના સરૂ સેક્શન રોડ પર આવેલી માહી ડેરી નજીક કોનિક ટાવર નામની બિલ્ડીંગના પાંચમા માળે ૫૦૧ નંબરનો ફલેટ ધરાવતા હરદેવસિંહ તખુભા જાડેજા નામના આસામીએ પોતાના ફલેટમાં ચોરી થયાની ફરિયાદ નોંધાવી છે.
ફરિયાદમાં જણાવવામાં આવ્યા મુજબ ગઈ તા.૭ના દિને તેઓ પોતાના ભાઈના ઘેર ગ્રીન સિટીમાં ગયા પછી રાત્રિના નવ વાગ્યાથી બીજા દિવસની સવાર સુધીમાં તેમના બંધ ફલેટમાં કોઈ રીતે તસ્કર ઘૂસી ગયો હતો. તેણે શયનખંડ માં રાખવામાં આવેલા કબાટની તિજોરી ખોલી નાખી તેમાં રાખવામાં આવેલી કાપડની થેલીમાંથી આઠ ગ્રામ વજનની સોનાની બે વીટી તેમજ રૂા.૧ લાખ ૭૦ હજાર રોકડા મળી કુલ રૂા.૧ લાખ ૮૦ હજારની મત્તાની ચોરી કરી હતી.
ચોરીની જાણ થયા પછી ગઈકાલે હરદેવસિંહે સિટી બી ડિવિઝનમાં રાવ કરી છે. પોલીસે બીએનએસની કલમ ૩૦૫ (એ), ૩૩૧ (૩), ૩૩૧ (૪) હેઠળ ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
