Author: નોબત સમાચાર
જામનગર જિલ્લા પંચાયતના કર્મીઓ દ્વારા બોક્સ ક્રિકેટ ટુર્નામેન્ટ યોજાઈ
વિશ્વ આરોગ્ય દિનની ઉજવણી અંતર્ગત
જામનગર તા. ૧૧: વિશ્વ આરોગ્ય દિવસ ૭ મી એપ્રિલ ર૦ર૪ ના સૂત્ર- 'મારૂ આરોગ્ય, મારો અધિકાર'ને ચરિતાર્થ કરવા તથા ઉજવણીના ભાગ રૂપે જામનગર જિલ્લા પંચાયત આરોગ્ય કર્મચારી મહામંડળ તરફથી બોક્સ ક્રિકેટ ટુર્નામેન્ટનું આયોજન કરી જિલ્લાભરના આરોગ્ય વિભાગના કર્મીઓ સ્વસ્થ રહે અને તેમનામાં શિસ્ત, સેવા અને સંગઠનની ભાવના મજબૂત બને તેવા શુભ હેતુથી આયોજન કરવામાં આવ્યું હતું.
આ સાથે આરોગ્ય વિભાગમાં સામાજિક સદ્ભાવના અને ભાઈચારો જળવાઈ રહે તેવા શુભ હેતુથી મુસ્લિમ સમાજ તથા હિન્દુ સમાજના અધિકારી-કર્મચારીઓને રમજાન માસમાં હરણી રોજુ છોડાવવાનું આયોજન પણ કરવામાં આવ્યું હતું.
સમગ્ર કાર્યક્રમમાં મુખ્ય જિલ્લા આરોગ્ય અધિકારી ડો. એચ.એચ. ભાયા, જિલ્લા પંચાયત મહાસંઘના પ્રમુખ દિગુભા જડેજા, આરોગ્ય મંડળના પ્રમુખ વી.પી. જાડેજા, પંચાયત કર્મચારી નગરના દેવેન્દ્રસિંહ પરમાર, ડો. ગુપ્તા, ડો. પી.ડી. પરમાર, નારણભાઈ સોરઠિયા તથા આરોગ્ય વિભાગના અધિકારીઓ-કર્મચારીઓ ઉપસ્થિત રહ્યા હતાં. ડીપીસી યજ્ઞેશ ખારેચાનો સહયોગ સાંપડ્યો હતો. સમગ્ર કાર્યક્રમનું સંચાલન નીરજ મોદી દ્વારા કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
