Author: નોબત સમાચાર
મેફેડ્રોન ડ્રગ્સ સાથે જામનગરના બે શખ્સ રાજકોટ નજીકથી ઝડપાઈ ગયા
રૂપિયા પોણા લાખનું ડ્રગ્સ મંુબઈથી લાવ્યાની કબૂલાતઃ
જામનગર તા. ૧૧: રાજકોટ નજીકના કુવાડવા હાઈવે પરથી રાજકોટ પોલીસે જામનગરના બે શખ્સને ૭.૫૦ ગ્રામ મેફેડ્રોન ડ્રગ્સ સાથે પકડી પાડ્યા છે. રૂપિયા પોણા લાખની કિંમતનું ડ્રગ્સ કબજે કરી લેવામાં આવ્યું છે.
રાજકોટ-અમદાવાદ માર્ગ પર આવેલા કુવાડવા ગામ પાસે ગઈકાલે બે શખ્સ ડ્રગ્સના જથ્થા સાથે આવતા હોવાની બાતમી પરથી રાજકોટ પોલીસે વોચ ગોઠવી હતી.
તે દરમિયાન જુના જકાત નાકા પાસેથી બે શખ્સ પસાર થતાં તેને રોકાવી પોલીસે તલાશી લેતા રૂ. ૭૫,૦૦૦ની કિંમતનું ૭.૫૦ ગ્રામ મેફેડ્રોન ડ્રગ્સ મળી આવ્યું હતું. ડ્રગ્સના આ જથ્થા સાથે જામનગરના ગુલાબનગરના રહેવાસી શાહરૂખ બશીર જામ તથા રાહુલ દીપકભાઈ ગોસાઈ નામના શખ્સોની ધરપકડ કરાઈ છે. આ શખ્સોનો મોબાઈલ, રોકડ સહિતનો મુદ્દામાલ કબજે કરી લેવાયો છે.
વધુમાં જાણવા મળ્યા મુજબ નશો કરવાની આદત ધરાવતા આ શખ્સો મુંબઈ જઈ નશો કર્યા પછી ત્યાંથી ડ્રગ્સ લાવી તેનું વેચાણ કરતા હોવાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
