Author: નોબત સમાચાર
રાજ્યસભામાં ખડગે-ધનખડ વચ્ચે ટપાટપી પછી ગૃહ સોમવાર સુધી સ્થગિત કરાયું
સવિધાનના મુદ્દે હોબાળો
નવી દિલ્હી તા. ૧૪: રાજ્યસભામાં મામલો બગડતા ખડગે અને ધનખડ વચ્ચે તીખી ખટપટ થઈ હતી. આ દરમિયાન હોબાળાને ધ્યાનમાં રાખીને સોમવાર સુધી રાજ્યસભા સ્થગિત કરી દેવાની જાહેરાત કરી દેવામાં આવી હતી.
સંસદમાં શિયાળુ સત્રમાં ભારે હોબાળો જોવા મળી રહ્યો છે. વિપક્ષ અદાણી મુદ્દે ચર્ચા કરવાની માગ પર ભારે હોબાળો મચાવી રહ્યો છે ત્યારે સત્તા પક્ષે સોરોસ અને સોનિયાનો મુદ્દો ઊઠાવ્યો હતો. બીજી તરફ રાજ્યસભાના સભાપતિ જગદીપ ખનખડ વિરૂદ્ધ અવિશ્વાસના પ્રસ્તાવના મુદ્દાથી માહોલ ગરમાયો હતો. રાજ્ય સભામાં કોંગ્રેસના ખડગે અને ધનખડ વચ્ચે ખટપટ થયા પછી હોબાળો થયો હતો.
આજે સવારથી જ રાજ્યસભામાં હોબાળાની સ્થિતિ જોવા મળી હતી. સભાપતિ જગદીપ ધનખડ વિપક્ષ પર બગડ્યા હતાં. તેમણે કહ્યું કે લાગે છે હું તમને બર્દાશ્ત નથી થતો પણ મારો સવાલ એ છે કે તમને આ ખેડૂતનો દીકરો સહન કેમ નથી થઈ રહ્યો? તેના પર કોંગ્રેસના અધ્યક્ષ અને વિપક્ષના રાજ્યસભામાં નેતા મલ્લિકાર્જુન ખડગેએ તેમને એમની જ ભાષામાં જવાબ આપ્યો કે જો તમે ખેડૂતના દીકરા છો તો હું પણ શ્રમિકનો દીકરો છું.
ઉલ્લેખનિય છે કે, અલ્લાહબાદ હાઈકોર્ટના જ શેખર કુમાર યાદવ સામે પણ મહાભિયોગનો પ્રસ્તાવ લાવવામાં આવ્યો હતો. આજે પપ સાંસદોએ જજ સામે મહાભિયોગનો પ્રસ્તાવ રાજ્યસભાના મહાસચિવને સોંપ્યો હતો. કપિલ સિબ્બલની આગેવાનીમાં આ પ્રસ્તાવ અપાયો હતો, તે પછી આ ઘટનાક્રમ સર્જાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
