Author: નોબત સમાચાર
ખોડિયાર કોલોની પાસે હિટ એન્ડ રનના બનાવમાં પરપ્રાંતિય યુવાનનો લેવાયો ભોગ
ચેલા પાસે મોટર પલ્ટી મારી જતાં એકનું મૃત્યુ, સાથે રહેલા ત્રણને થઈ ઈજાઃ
જામનગર તા. ૧૪: જામનગરના ખોડિયારકોલોની વિસ્તારમાં ગઈરાત્રે મેડિકલે જવા માટે રોડ ક્રોસ કરતા એક પરપ્રાંતીય યુવાનને અજાણ્યું વાહન ઠોકર મારીને નાસી ગયું છે. ગંભીર ઈજા પામેલા આ યુવાનનું મૃત્યુ નિપજ્યું છે. મૃતકના ભાભીએ હિટ એન્ડ રનના આ બનાવની પોલીસમાં ફરિયાદ કરી છે. ઉપરાંત લાલપુર ધોરીમાર્ગ પર ચેલા ગામ પાસે ગઈરાત્રે એક મોટર તેના ચાલકના કાબુ બહાર જઈ રોડ ઉતરીને ગોથું મારી ગઈ હતી. ચાલક સહિત ત્રણ યુવાન ઘવાયા છે અને સાથે રહેલા એક યુવાનનું મૃત્યુ નિપજ્યું છે.
જામનગર-ખંભાળિયા માર્ગ પર આવેલા લાખાબાવળ ગામ સ્થિત મણીભદ્ર વીલામાં રહેતા મનિષાબેન બિમલકુમાર સિન્હા નામના મહિલાના દિયર આશુતોષ વિજયકુમર સિન્હા (ઉ.વ.૪૫) ગઈકાલે રાત્રે અગિયારેક વાગ્યે ખોડિયાર કોલોની નજીક હતા ત્યારે દિવ્યમ્ કોમ્પલેક્ષ નજીક એક મેડિકલમાં દવા લેવા જવા માટે તેઓ રોડ ક્રોસ કરતા હતા.
આ વેળાએ એક અજાણ્યંુ વાહન પુરપાટ ઝડપે ધસી આવ્યું હતું. તેના ચાલકે આશુતોષ સિન્હાને ઠોકર મારી પછાડી દીધા હતા. માથા સહિતના શરીરના અન્ય ભાગોમાં ગંભીર ઈજા પામેલા આ યુવાનને સારવાર માટે હોસ્પિટલમાં ખસેડવામાં આવ્યા હતા. જ્યાં તેમનું મૃત્યુ નિપજ્યું છે. અકસ્માત સર્જી નાસી ગયેલા વાહનના ચાલક સામે મનિષાબેને સિટી સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે હિટ એન્ડ રનના આ બનાવની તપાસ હાથ ધરી છે.
જામનગર-લાલપુર રોડ પર આવેલા ચેલા ગામ નજીકના એસઆરપી કેમ્પ પાસેથી ગઈ રાત્રે દસેક વાગ્યે જીજે-૧૦-ડીઆર ૬૦૭૩ નંબરની મોટર ચલાવીને દરેડ ગામમાં રહેતા સુનિલ સીયારામ મહંતો નામના પરપ્રાંતીય આસામી પસાર થતા હતા ત્યારે તેણે કોઈ રીતે સ્ટીયરીંગ પરનો કાબુ ગૂમાવ્યો હતો. બેકાબુ બનેલી મોટર રોડ ઉતરી ગોથું મારી ગઈ હતી. આ અકસ્માતમાં મોટરમાં જઈ રહેલા માધવ બાગ-૧માં વસવાટ કરતા મેહુલભાઈ માલદેભાઈ ચાવડાને ગંભીર ઈજા થઈ હતી. જ્યારે સાથે રહેલા રાકેશ સીતારામ અને મુન્ના પંડિત પણ ગંભીર ઈજા પામ્યા હતા.
મોટરચાલક સહિત ચારેય ઈજાગ્રસ્તને સારવારમાં ખસેડવામાં આવ્યા પછી મેહુલ ભાઈનું મૃત્યુ નિપજ્યું છે. તેમના પિતા માલદેભાઈ રામાભાઈ ચાવડાએ પંચકોશી બી ડિવિઝન પોલીસ સ્ટેશનમાં મોટરના ચાલક સુનિલ મહંતો સામે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
