Author: નોબત સમાચાર
વાહન ભાડે રખાવવાની લાલચ આપી તેને ઓળવી જતાં બે શખ્સની કરી લેવાઈ અટક
રૂ. ૧૮ લાખના પાંચ વાહન એસઓજીએ કબજે લીધાઃ
જામનગર તા. : દ્વારકા જિલ્લાના આસામીઓને દર મહિને તગડુ ભાડુ અપાવવાની લાલચ બતાવી તેઓની મોટર મેળવી લીધા પછી તેને ઓળવી જતાં બે શખ્સની એસઓજીએ અટકાયત કરી છે. સલાયાના એક તથા જેતપુરના નવાગઢના બીજા શખ્સે આવી રીતે પડાવી લીધેલી પાંચ મોટર કાઢી આપી છે. એસઓજીએ રૂ. ૧૮ લાખના વાહન કબજે કર્યા છે.
દેવભૂમિ દ્વારકા જિલ્લાના મુખ્ય મથક ખંભાળિયા ૫ંથકમાં ગઈકાલે એસઓજી ટીમ દ્વારા કરવામાં આવતા પેટ્રોલિંગમાં સલાયાનો એક શખ્સ વાહન ભાડે રાખવાની લાલચ બતાવી કેટલાક વાહન માલિકોના વાહન ઓળવી ગયો હોવાની તેમજ આ શખ્સ સલાયા આવી રહ્યો હોવાની બાતમી આર.એમ. જાડેજા, કે.બી. જાડેજા, એચ.એચ. જાડેજાને મળતા ઈન્ચાર્જ પીઆઈ પી.સી. સીંગરખીયાના માર્ગદર્શન હેઠળ સલાયામાં વોચ રખાઈ હતી.
તે દરમિયાન નાસીર કાસમ ગજણ ઉર્ફે સાહીલ નામનો સલાયાનો શખ્સ તથા રાજકોટ જિલ્લાના જેતપુર તાલુકાના નવાગઢ ગામનો ઉમેદ ઉર્ફે બાવ બાઉદ્દીન જુણેજા નામનો શખ્સ મળી આવ્યો હતો. બંને શખ્સની પૂછપરછ હાથ ધરાતા આ શખ્સો દ્વારકા જિલ્લાના જુદા જુદા ગામના વાહન માલિકોને મળી તેમના વાહન મોટી રકમ પર ભાડે રખાવી દેવાનું જણાવી તે વાહનો ઓળવી જતાં હોવાની વિગત ખૂલવા પામી છે.
ઘનિષ્ઠ બનાવાયેલી પૂછપરછમાં આ શખ્સોએ ચાર ઈકો મોટર અને એક અર્ટીગા મોટર કાઢી આપી છે. એસઓજીએ રૂ. ૧૮ લાખના પાંચેય વાહન કબજે કરી લીધા છે. આરોપીઓને રિમાન્ડ પર લેવાની તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
