Author: નોબત સમાચાર
ચેલા ગામમાં મહિલા પર લાકડી, પાઈપ વડે હુમલોઃ ત્રણ શખ્સે કરી નાખ્યું ફ્રેક્ચર
અગાઉના ઝઘડાનો ખાર રાખી યુવક પર હલ્લોઃ
જામનગર તા. ૨૯: જામનગરના ચેલા ગામમાં વસવાટ કરતા એક મહિલા તથા તેમના પતિ, પુત્ર, પુત્રી પર ત્રણ શખ્સે લાકડી, પાઈપથી હુમલો કરી મહિલાનો પગ ભાંગી નાખ્યો હતો. જ્યારે અગાઉના ઝઘડાનો ખાર રાખી નાગનાથ નાકા પાસે સોમવારે રાત્રે એક યુવાન પર પાંચ શખ્સે હુમલો કર્યાે હતો.
જામનગર-લાલપુર માર્ગ પર આવેલા ચેલા ગામમાં રહેતા પ્રકાશબા ભરતસિંહ સોલંકી (ઉ.વ.૪૯) નામના મહિલા ગઈકાલે રાત્રે નવેક વાગ્યે પોતાના ઘરે હતા ત્યારે તેમના પર પાઈપ-લાકડીથી હુમલો કરવામાં આવ્યો હતો.
આ વેળાએ તેમના પતિ ભરતસિંહ તથા પુત્ર-પુત્રી વચ્ચે પડતા તેઓને પણ ચેલા ગામના જ ઋષિરાજસિંહ સોલંકી, કુલદીપસિંહ સોલંકી અને એક અજાણ્યા શખ્સે લાકડી-પાઈપ વડે માર મારી ઈજા પહોંચાડી હતી. પ્રકાશબાએ પંચકોશી-બી ડિવિઝન પોલીસ સ્ટેશનમાં ફરિયાદ નોંધાવી છે.
જામનગરના નાગનાથ નાકા નજીક અંબાજીના ચોકમાં રહેતા કપિલ નરેન્દ્રભાઈ સોઢા નામના ખવાસ યુવાન પર સોમવારની રાત્રે નાગનાથ નાકા નજીક રાજેશ પ્રેમજીભાઈ બારૈયા તથા અન્ય ચાર શખ્સે હુમલો કર્યાની પોલીસમાં ફરિયાદ કરાઈ છે. અગાઉની માથાકૂટનો ખાર રાખી લાકડી, પાઈપ, ઢીકાપાટુથી કપિલને માર મારવામાં આવ્યો હતો. પોલીસે આઈપીસી ૩૨૩, ૩૨૪, ૩૨૫, ૫૦૪, ૫૦૬ (ર), ૧૧૪, જીપી એક્ટની કલમ ૧૩૫ (૧) હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
