Author: નોબત સમાચાર
જામનગરના વાઈલ્ડલાઈફ ફોટોગ્રાફર જગત રાવલનું બેસ્ટ તસ્વીરકાર તરીકે ગાંધીનગરમાં કરાયુ સન્માન
અઢી દાયકાની વન્યજીવન ફોટોગ્રાફીની સફર
જામનગર તા. ૧૮: જામનગરના વાઈલ્ડલાઈફ તસ્વીરકાર જગત રાવલનું ગાંધીનગરમાં સન્માન કરાયું હતું. રાજ્યભરના ફોટોગ્રાફરની ઉપસ્થિતિમાં વાઈલ્ડલાઈફ ફોટોગ્રાફી ક્ષેત્રે રપ વર્ષની કામગીરીને લઈને આ સન્માન કરાયું હતું.
જેમના પક્ષીઓ અને વન્યજીવોના ફોટા જેને રાજ્ય જ નહીં પણ દેશ વિદેશમાં ચાહના મેળવી છે તેવા જામનગરના વાઈલ્ડલાઈફ ફોટોગ્રાફર જગત રાવલનું ગાંધીનગર મહાત્મા ગાંધી મંદિરમાં વિશિષ્ટ સન્માન કરવામાં આવ્યું હતું. મહારાજા જામસાહેબ શ્રી શત્રુશલ્યસિંહજી જાડેજાની પ્રેરણાથી રપ વર્ષ પૂર્વે તસ્વીરકાર જગત રાવલે શરૂ કરેલી વાઈલ્ડ લાઈફ ફોટોગ્રાફીની સફર આજે સફળતાના અનેક પડાવ પાર કરી ચૂકી છે.
રાજ્ય અને રાષ્ટ્રીય કક્ષાએ તેમના દ્વારા કચકડે મઢવામાં આવેલી વન્યજીવો અને પક્ષીની તસ્વીરો અનેક એવોર્ડ મેળવી ચૂકી છે તેમજ પ્રદર્શનમાં સ્થાન પામી છે. તાજેતરમાં જામનગર ફોટોગ્રાફર્સ એસોસિએશનના 'બેસ્ટ ફોટોગ્રાફર' જગત રાવલને ગુજરાતની સીજીપીટીઆઈ સંસ્થા દ્વારા એવોર્ડ (સર્ટીફિકેટ)થી મહાત્મા મંદિરમાં સન્માન કરવામાં આવ્યું હતું. આ સન્માન સીજીપીટીઆઈ સંસ્થાના સેક્રેટરી સંજયભાઈ પટેલ, પ્રફુલભાઈ પટેલ તથા નારણભાઈ ખીમાણી હસ્તે કરવામાં આવ્યું હતું.
આ પ્રસંગે ફોટોગ્રાફર એસોસિએશનના પ્રમુખ ધર્મેશ રાવલ, મંત્રી હારીત પોપટ, ખજજાનચી ચિંતન સોલંકી અને કારોબારી સદસ્યો, પૂર્વ પ્રમુખો ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
