Author: નોબત સમાચાર
રૂ. ૫૦૦ માંગી ચાર શખ્સે યુવાનને માર માર્યાે: સામુ જોવા બાબતે હુમલો
યુવતી સાથે ફોન પર વાતના પ્રશ્ને બબાલઃ
જામનગર તા. ૨૧: જામનગરના એક કુખ્યાત શખ્સે પોતાના ત્રણ સાગરિત સાથે આવી એક યુવાન પાસે રૂ. પ૦૦ માંગ્યા પછી હુમલો કર્યાે હતો. એક મહિલા સામે જોવાની બાબતે રેલવે સ્ટેશન પાસે યુવાનને છરી હુલાવાઈ હતી. યુવતી સાથે મોબાઈલ પર વાત કરવાના મુદ્દે ચાર શખ્સે એક યુવકને લમધાર્યાે હતો.
જામનગરના રણજીત સાગર રોડ પર આવેલી નંદનવન સોસાયટીમાં શુક્રવારે રાત્રે હિતેશ પ્રભુલાલ નંદા નામના યુવાન ઘરની બહાર બેઠા હતા. ત્યારે સાધના કોલોનીમાં રહેતો હર્ષ પરેશભાઈ મહેતા ઉર્ફે ટકો તથા ત્રણ અજાણ્યા શખ્સ આવ્યા હતા. આ શખ્સોએ રૂપિયા ૫૦૦ આપવા માટે કહ્યું હતું પરંતુ હિતેશભાઈ પૈસા ન હોવાનું કહેતા આ શખ્સોએ છરી, પાઇપથી હુમલો કરી માર માર્યો હતો.
જામનગરના મચ્છરનગર નજીક પુનીતનગરમાં રહેતા મયુરસિંહ મહેન્દ્રસિંહ જાડેજા નામના યુવાનને પાડોશી મયુરસિંહ સજુભા જાડેજાએ તેની પત્ની સામે જોતો હોવાની શંકાથી ગાળો ભાંડી છરી વડે હુમલો કરી ગંભીર ઈજા પહોંચાડી હતી. આ યુવાનને સારવારમાં ખસેડવામાં આવ્યો છે. તેના પિતા મહેન્દ્રસિંહ હરીસિંહ જાડેજાએ ફરિયાદ નોંેંધાવી છે.
જામનગરના ગાંધીનગર નજીક મોમાઈનગરની શેરી નં.૫ માં રહેતો મનિષ દિનેશભાઈ શેખા નામનો શખ્સ એક યુવતી સાથે મોબાઈલમાં વાત કરતો હોય તેની જાણ થતાં યુવતીના પરિવારના પરેશ દીનેશભાઈ શુકલ ગઈકાલે જામનગર આવ્યા હતા. પોતાના કાકાના ઘેરથી પરેશભાઈ મળવા માટે સમજાવવા મનિષ પાસે જતા મનિષ તેમજ તેના પિતા દીનેશભાઈ, ટપુભાઈ, ચિરાગ શેખાએ છરીથી હુમલો કરી ગાળો ભાંડી પરેશભાઈને ઈજા પહોંચાડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
