Author: નોબત સમાચાર
ગ્રીન ખંભાળીયા દ્વારા સામૂહિક વૃક્ષારોપણઃ પ્રબુદ્ધ નાગરિકો જોડાયા
પૂજાવિધિ-મંત્રોચ્ચાર સાથે
ખંભાળીયા તા. ૨૧: ગ્રીન ખંભાળીયા દ્વારા નવરાત્રિના પ્રથમ નોરતે વૃક્ષારોપણ કરી ખંભાળીયાએ લીલીછમ બનાવવાના અભિયાનનો પ્રારંભ થયો છે. બ્રાહ્મણ દ્વારા પૂજાવિધિ અને મંત્રોચ્ચાર સાથે બાળાઓના હસ્તે શ્રી ગણેશ કરાયા છે.
ખંભાળીયામાં ગ્રીન ખંભાળીયા ટીમ દ્વારા સદભાવના ટ્રસ્ટ સાથે ખંભાળીયાને લીલુંછમ બનાવવા અભિયાન હાથ ધરવામાં આવ્યું છે. જે અંતર્ગત ગ્રીન ખંભાળીયાની ટીમ દ્વારા રામનગર વિસ્તારમાં આવેલ કણઝાર ચોકડી પાસે નવરાત્રિના પ્રથમ નોરતે પૂજાવિધિ સાથે સામૂહિક વૃક્ષારોપણ કરી આ અભિયાનના શ્રીગણેશ કર્યા હતાં.
ખંભાળીયા શહેરને લીલુછમ બનાવવાની નેમ સાથે ખંભાળીયાના જાગૃત અને પ્રબુદ્ધ નાગરિકો દ્વારા ગ્રીન ખંભાળીયા સંસ્થાની સ્થાપના કરી ખંભાળીયા શહેર તથા આજુબાજુ વિસ્તારને લીલુછમ બનાવવા અભિયાન હાથ ધરવામાં આવ્યું છે. ગ્રીન ખંભાળીયા ટીમ દ્વારા સદભાવના ટ્રસ્ટને સાથે ખંભાળીયામાં ર,૦૦૦ થી વધુ વૃક્ષો વાવી અને તેના ઉછેર કરી આશરે ૬૬ લાખ જેટલા ખર્ચે શહેરના અગ્રણીઓ, પ્રબુદ્ધ, ડોકટરો, સોની એસોસિએશન, વકીલો, વિવિધ વ્યવસાયના આગેવાનો, સામાજિક આગેવાનો વિગેરેના આર્થિક સહયોગથી આ અભિયાન હાથ ધરવામાં આવ્યું છે. જે અંતર્ગત નવરાત્રિના પ્રથમ નોરતે રામનગર વિસ્તારમાં આવેલ કણઝાર ચોકડી પાસે બ્રાહ્મણ દ્વારા પૂજાવિધિ અને મંત્રોચ્ચાર સાથે નાની બાળાઓના હસ્તે પીપળાના ઝાડ વાવી આ અભિયાનના શ્રી ગણેશ કર્યા હતાં.
આ તકે ડો. પડિયા, પત્રકાર પરબતભાઈ ગઢવી, ઈન્દ્રજીતસિંહ જાડેજા, પરેશભાઈ મહેતા, વીરાભાઈ ભાદરકા, કિશોરભાઈ ભાયાણી, ડો. સાગર ભૂત, દિવ્યેશ મોદી, નિમિષાબેન નકુમ, જાનકીબેન ભૂત નાની બાળાઓ શ્રેયા ભાયાણી, વેદા અને જોયા જોડાયા હતાં.
ખંભાળીયા શહેરના આ ઉમદા કાર્યને સાંસદ પૂનમબેન માડમ, ખંભાળીયાના ધારાસભ્ય અને પર્યાવરણ મંત્રી મૂળુભાઈ બેરા, પાલિકા પ્રમુખ રચનાબેન મોટાણી, કલેકટર જી.ટી. પંડ્યા, પાલિકા ચીફ ઓફિસર વ્યાસ સહિત તંત્ર દ્વારા પૂરતો સાથ અને સહકાર આપવામાં આવી રહ્યો છે. ગ્રીન ખંભાળીયા થીમ દ્વારા આગામી દિવસોમાં શહેરના વિવિધ વિસ્તારોમાં વૃક્ષારોપણ કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
