Author: નોબત સમાચાર
નયારા એનર્જી દ્વારા ૧૮ ગામના ગરબી મંડળોની ૩પ૦૦ જેટલી બાળાઓને લ્હાણીનું કરાયું વિતરણ
આજુબાજુના ત્રણ તાલુકાના સરપંચ તથા અગ્રણીઓની ઉપસ્થિતિઃ
ખંભાળિયા તા. ર૧: ખંભાળિયા, લાલપુર અને જામનગર તાલુકાના ગામોના સરપંચો અને આગેવાનોની ઉપસ્થિતિમાં ગરબી મંડળોની બાળાઓએ લ્હાણી સ્વીકારી ખુશી વ્યક્ત કરી હતી. આંતરરાષ્ટ્રીય સ્તરની આપણી ડાઉનસ્ટ્રીમ એનર્જી કંપની નયારા એનર્જી દ્વારા તેની વાડીનાર રિફાઈનરી નજીક આવેલા ૧૮ ગામોમાં ગરબે રમતી ૩પ૦૦ બાળાઓને નવરાત્રિ પ્રસંગે લલ્હાણીનું વિતરણ કરવામાં આવ્યું હતું.
માતાજીની આરાધનાના નવરાત્રિપર્વ નિમિત્તે નયારા એનર્જી દ્વારા વિવિધ ગરબા મંડળોમાં ગરબા રમતી બાળાઓને સુંદર મજાની ગૃહ ઉપયોગી લ્હાણી દ્વારા પ્રોત્સાહિત કરવામાં આવી હતી. લ્હાણીનું વિતરણ જે તે ગામોના સરપંચ, સભ્યો અન અગ્રણીઓની ઉપસ્થિતિમાં કરવામાં આવ્યું હતું. લ્હાણી મેળવી બાળાઓએ ખૂબ જ ખુશી વ્યક્ત કરી હતી.
ખંભાળિયા તાલુકાના વાડીનાર, ભરાણા, ટીમ્બડી, વડાલિયા સિંહણ, સોઢા તરઘડી, કાઠી દેવરિયા, નાના માંઢા, મોટા આંબલા, કજુરડા, આરાધના ધામ તથા લાલપુર તાલુકાના ઝાખર, મિઠોઈ, સિંગચ, મોડપર, રાસંગપર, ખટિયા બેરાજા અને જામનગર તાલુકાના બેડ તથા શાપર ગામની ૩પ૦૦ બાળાઓને લ્હાણીનું વિતરણ કંપનીના અધિકારીગણ દ્વારા કરાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
