Author: નોબત સમાચાર
જામનગરમાં તબીબી અભ્યાસ કરતો વિદ્યાર્થી થયો લાપત્તા
પિતાએ ફોટો, વર્ણન આપી પોલીસને જાણ કરીઃ
જામનગર તા. ૨૧: જામનગરની ડેન્ટલ કોલેજમાં અભ્યાસ કરતા મૂળ અરવલ્લી જિલ્લાના વિદ્યાર્થી શુક્રવારે રાત્રે પટેલવાડી સ્થિત ભાડાના મકાનેથી નીકળ્યા પછી ગુમ થઈ ગયાની તેના પિતાએ પોલીસને જાણ કરી છે.
જામનગરના રામેશ્વરનગર પાસે આવેલી પટેલ વાડીની શેરી નંબર એકમાં સુરેશભાઈ નામના આસામીના મકાનમાં ભાડેથી રહેતા અને જામનગરની ડેન્ટલ કોલેજમાં ચોથા વર્ષમાં અભ્યાસ કરતા મૂળ અરવલ્લી જિલ્લાના મેઘરજ તાલુકાના રખાપુર ગામના વતની અમિત જીવાભાઇ દામા નામના પચ્ચીસ વર્ષના આદિવાસી યુવાન શુક્રવારે રાત્રે સાડા દસેક વાગ્યે પોતાના ઘરેથી ક્યાંય ચાલ્યા ગયા છે.
તબીબી અભ્યાસ કરતા આ યુવાનની શોધખોળ કરવામાં આવી હોવા છતાં તેનો પત્તો નહીં મળતા આખરે પિતા જીવાભાઈ હાજાભાઈ દામાએ પોલીસને જાણ કરી છે ઉપરોક્ત તસવીરવાળા યુવાન મધ્યમ બાંધો, ઘઉંવર્ણાે વાન અને પાંચેક ફૂટની ઊંચાઈ ધરાવે છે. છેલ્લે તેણે કથાઈ રંગનું ટી શર્ટ અને બ્લુ રંગનું લોઅર પહેરેલું હતું. આ યુવાન અંગે કોઈને જાણકારી હોય તો તેઓએ સીટી બી ડિવિઝન પોલીસ સ્ટેશનનો સંપર્ક કરવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
