Author: નોબત સમાચાર
જામજોધપુરના પરડવામાં ખેતરમાં જુગાર રમતા પાંચ પકડાયાઃ સાતેક લાખનો મુદ્દામાલ
અન્ય બે દરોડામાં દસ પત્તાપ્રેમીની ધરપકડઃ
જામનગર તા. ૨૧: જામજોધપુરના પરડવા ગામમાં એક ખેતરમાં જામેલા જુગાર પર પોલીસે દરોડો પાડી પાંચ પત્તાપ્રેમીને પકડી પાડ્યા છે. જુગાર રમાડતો શખ્સ નાસી છૂટ્યો છે. રૂપિયા સાતેક લાખનો મુદ્દામાલ કબજે કરાયો છે. લાલપુરમાંથી છ શખ્સ અને શાપરમાંથી ચાર શખ્સ તીનપત્તી રમતા પકડાયા છે.
લાલપુર શહેરના ધરાનગર વિસ્તારમાં રવિવારે બપોરે ગંજી૫ાના વડે જુગાર રમી રહેલા દાનાભાઈ ઘેલાભાઈ પરમાર, પાલાભાઈ મૂળુભાઈ ગોહિલ, કરસનદાસ કાનદાસ પરમાર, રમેશભાઈ જેઠીરામ શ્રીમાળી, પરેશ કરણદાસ પરમાર, વિજય પુંજાભાઈ વાઘેલા નામના છ શખ્સને પોલીસે પકડી પાડી પટમાંથી રૂ. ૧,૫૪૦ રોકડા કબજે કરાયા છે.
જામનગર તાલુકાના શાપર ગામના ચોરા પાસે શનિવારે સાંજે જાહેરમાં ગંજીપાના વડે જુગાર રમી રહેલા જેન્તીભાઈ છગનભાઈ ગામી, વિક્રમસિંહ નાથુભા ચુડાસમા, મનીષ ચંપકલાલ રાવલ, વલ્લભભાઈ નાથાભાઈ બોડા નામના ચાર શખ્સને સિક્કા પોલીસ સ્ટેશનના સ્ટાફે દરોડો પાડીને પકડી પાડ્યા હતા. પટમાંથી રૂ. ૧૦,૪૦૦ રોકડા કબજે કરવામાં આવ્યા છે.
જામજોધપુર તાલુકાના પરડવા ગામની સીમમાં ગઈકાલે બપોરે એક વાડીમાં જુગાર રમાતો હોવાની બાતમી પરથી જામજોધપુર પોલીસ સ્ટેશનના સ્ટાફે દરોડો પાડ્યો હતો. ત્યાં આવેલા દેવાભાઈ ભીમાભાઈ પાતા નામના શખ્સના ખેતરમાં તલાશી લેવાતા ત્યાં નાલ આપી ગંજીપાના વડે જુગાર રમી રહેલા મૂળુભાઈ કાનાભાઈ જાડેજા, ગુલમામદ જમાલભાઈ રાવકરડા, હિતેશ મનસુખભાઈ જોષી, ભાવિન મથુરદાસ ઉદેશી, કાયાભાઈ ભોજાભાઈ મુંગાણીયા નામના પાંચ શખ્સ મળી આવ્યા હતા. પોલીસે પટમાંથી રૂ. ૧,૯૦,૦૦૦ રોકડા, છ મોબાઈલ, બોલેરો કેમ્પર વાહન મળી કુલ રૂ. ૭ લાખ ૮ હજારનો મુદ્દામાલ કબજે કર્યાે છે. વાડીમાલિક દેવાભાઈ પાતા નાસી ગયો હોય તેની શોધ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
