Author: નોબત સમાચાર
કુ. યશ્વી પટેલના 'અરંગનેત્રમ' નૃત્યે સૌને કર્યા મંત્રમુગ્ધઃ વિવિધ ક્ષેત્રોના દિગ્ગજો ઉપસ્થિત
'નૃતિ' સ્કૂલ ઓફ કલાસીકલ ડાન્સીંગ એન્ડ પરફોર્મિંગ આર્ટર્સના તાલીમાર્થી
અમદાવાદ તા. ૩: નૃતિ સ્કૂલ ઓફ કલાસિકલ ડાન્સીસ એન્ડ પરફોર્મિંગ આર્ટસના કલાગુરૂ શ્રીમતી ભૈરવી હેમંતના માર્ગદર્શન હેઠળ સતત સાત વર્ષ ઈંડિયન કલાસીકલ ડાન્સ, ભરતનાટ્યમની સઘન તાલીમ લઈને કુ. યશ્વી પટેલ (અમીતભાઈ અને શ્રીમતી ભૂમિબેન પટેલની) પુત્રીનું 'અરંગેત્રમ' દિનેશ હોલ, અમદાવાદમાં યોજાયું હતું.
આ પ્રસંગે આશીર્વાદ યશ્વીને આશીર્વાદ આપવા માટે મહેમાન તરીકે પૂર્વ નાયબ મુખ્યમંત્રી નીતિનભાઈ પટેલ તથા પદ્યશ્રી જોરવરસિંહ જાદવ, વાઈસ ચેરમેન, સંગીત નાટક અકાદમી, નવી દિલ્હી અને દુરદર્શનના ડેપ્યુટી ડાયરેકટર ઉત્સવ પરમારની ખાસ ઉપસ્થિતિ રહી હતી.
યશ્વી પટેલએ જણાવ્યું હતું કે, મને ઘણો આનંદ થાય છે કે મારૃં નૃત્ય આરાધના પર્વ જોવા અને ગૌરવપૂર્ણ પ્રસંગને માણવા માટે ઘણાં સ્નેહીજનોએ અમેરિકાથી ખાસ આ પ્રસંગમાં હાજરી આપી હતી. ઉપરાંત, આમંત્રિત મહેમાનો અને સ્નેહીજનોની સવિશેષ હાજરીમાં ભરતનાટ્યમ શૈલીમાં અરંગેત્રમ રજુ કરીને હું ગર્વની લાગણી અનુભવું છું.
આ કાર્યક્રમની કોરીયોગ્રાફી, નૃત્ય નિર્દેશન નૃતિ સંસ્થાના ડાયરેકટર શ્રીમતી ભૈરવી હેમંત દ્વારા કરવામાં આવી હતી. ઉલ્લેખનીય છે કે, શ્રીમતી ભેરવી હેમંત મલ્ટી ટેલેંટેડ આર્ટિસ્ટ છે. ડાન્સ ગુરૂ ઉપરાંત, તે શ્રેષ્ઠ કોરિયોગ્રાફર, પ્રોગ્રામ ડિરેકટર, આર્ટ ક્રિટિક અને પરફોર્મન્સ જજ તેમજ સારા એકટર,એન્કર અને ન્યૂઝ રીડર પણ છે. તેઓએ તેમની ભરતનાટ્યમની તાલીમ પદ્મિવભુષણ અને પદ્મશ્રી રીમતી મૃણાલિની સારાભાઈ તથા પદ્મશ્રી ચાતુની પનીકર પાસેથી લીધેલ છે. તેઓને નૃત્ય અને કલાના ક્ષેત્રમાં યોગદાન બદલ સૌથી પ્રતિષ્ઠિત ગૌરવ પુરસ્કાર તેમજ નૃત્ય કલા અને મીડિયા ક્ષેત્રે યોગદાન બદલ ડો. કલામ સ્મૃતિ શ્રેષ્ઠતા પુરસ્કાર પણ મળેલ છે.
કુ. યશ્વી પટેલે તુલસીદાસ રચિત સુંદર પદમ શ્રી રામચંદ્ર કુપાળુ ભજનમ રજુ કર્યું હતું. જેમાં સીતા સ્વયંવર, સીતાહરણ વગેરે રામાયણના પ્રસંગોને ખૂબ જ ભાવવાહી અભિનય દ્વારા રજુ કર્યા હતાં. ત્યારબાદ દર્શાવેલ સ્ત્રોત ગાનનું મધુર સંગીત તથા ગુરૂ ભૈરવી હેમંત કોશિયા દ્વારા કરાયેલી અદ્વુત કોરીયોગ્રાફીએ અને કુ. યશ્વીના અભિનયે સહુના મન જીતી લીધા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (13)_copy_800x600~2.jpeg)
_copy_800x800~2.jpeg)
 (29)_copy_800x533~3.jpeg)
