Author: નોબત સમાચાર
સ્કૂટરમાં દારૂની બોટલ સાથે જતો શખ્સ ઝડપાયોઃ સપ્લાયરનું પોલીસને નામ આપ્યું
અન્ય ત્રણ શખ્સ ત્રણ બોટલ સાથે મળી આવ્યાઃ
જામનગર તા. ૪: જામનગરના સુમેર કલબ રોડ પરથી સ્કૂટરમાં દારૂની બે બોટલ સાથે જતાં એક શખ્સને પોલીસે પકડી પાડ્યો છે. તેણે બોટલ આપનાર શખ્સનંુ નામ આપ્યા છે. કુબેર પાર્ક, લાલવાડી તથા ચૌહાણ ફળી રોડ પરથી ત્રણ શખ્સ દારૂની બોટલ સાથે ઝડપાઈ ગયા છે.
જામનગરના સુમેર કલબ રોડ પર આવેલી એક ગલી પાસેથી ગઈકાલે સાંજે જઈ રહેલા જીજે-૧૦-ડીએમ ૬૮૬૮ નંબરના એક્સેસને પેટ્રોલિંગમાં રહેલા સિટી એ ડિવિઝનના સર્વેલન્સ સ્ટાફે રોકાવી તેના ચાલક સાધના કોલોનીમાં રહેતા ભાવેશ ટેકચંદ કેશવાણી નામના શખ્સની તલાશી લેતા તેના કબજામાંથી દારૂની બે બોટલ મળી આવી હતી. પોલીસે બોટલ તથા રૂ. ૫૦ હજારનંુ સ્કૂટર કબજે કરી ભાવેશની પૂછપરછ કરતા તેણે આ બોટલ કિસાન ચોકમાં રહેતા ઉમંગ પ્રકાશભાઈ ફલીયા પાસેથી લીધી હોવાની કબૂલાત કરી છે.
જામનગરના નવા ૮૦ ફૂટ રોડ પર આવેલા કુબેર પાર્ક-૩ નજીકથી ગઈકાલે સાંજે જઈ રહેલા દીપક લખમણભાઈ ખાણધર નામના શખ્સને સિટી એ ડિવિઝનના સ્ટાફે પકડી લઈ દારૂની બોટલ ઝબ્બે લીધી છે.
જામનગરના લાલવાડી વિસ્તારમાં જૂના આવાસ પાસેથી ગઈકાલે રાત્રે માસૂમ મામદ માથકીયા તથા પ્રશાંત મુકેશભાઈ ડાંગર નામના બે શખ્સને પોલીસે દારૂની બોટલ સાથે પકડી પાડ્યા છે.
જામનગરના રણજીત રોડ પર પંજાબ નેશનલ બેંક નજીક ચૌહાણ ફળી રોડ પરથી ગઈરાત્રે મોહિત દિલીપભાઈ કુશવાહ નામના મૂળ ઉત્તર પ્રદેશના શખ્સને પોલીસે દારૂની બોટલ સાથે પકડી પાડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
 (20)_copy_800x445~2.jpeg)
 (2)_copy_800x600~2.jpeg)
