જામનગરના વિદ્યાર્થીની રાજ્યકક્ષાએ ટેકવોન્ડો રમતની સ્પર્ધામાં પસંદગી

Author: નોબત સમાચાર

જામનગરના વિદ્યાર્થીની રાજ્યકક્ષાએ ટેકવોન્ડો રમતની સ્પર્ધામાં પસંદગી

રમશે ગુજરાત, જીતશે ગુજરાત

જામનગર તા. ૪: રાજ્ય સરકાર દ્વારા શાળામાં અભ્યાસ કરતા બાળકો અભ્યાસની સાથે રમત ગમતમાં પણ એટલા જ આગળ વધે તે માટે અનેકવિધ સ્પર્ધાઓ, ખેલ મહાકુંભ જેવા કાર્યક્રમોનું આયોજન કરાતું હોય છે. જામનગરમાં સ્પોર્ટસ ઓથોરિટી ઓફ ગુજરાતના માર્ગદર્શન તળે સાંઈ વિદ્યા સંકુલ, જોડિયામાં ટેકવોન્ડો ઈન સ્કૂલ પ્રોગ્રામ અમલમાં મૂકવામાં આવ્યો છે.

શાળામાં અભ્યાસની સાથે રમતગમતમાં ખૂબજ રસ ધરાવતો વિદ્યાર્થી શ્વેત દિનેશભાઈ મકવાણાએ જિલ્લા લેવલ સ્પોર્ટસ સ્કૂલની પુવલ ટેલેન્ટ પસંદગી પરીક્ષા આપી હતી. શ્વેતની ટેકવોન્ડો પ્રુવલ ટેલેન્ટમાં ટોચના ૧૦ ખેલાડીઓમાં પસંદગી કરવામાં આવી છે.

શ્વેત મોરબીમાં જિલ્લા સ્પોર્ટસ સ્કૂલ નવજીવન વિદ્યાલયમાં અભ્યાસની સાથોસાથ ટેકવોન્ડોની તાલીમ લેશે. સાંઈ વિદ્યા સંકુલ, જોડિયા અને જામનગરના ગૌરવમાં વધારો કરવા બદલ જિલ્લા રમત વિકાસ અધિકારી રમા કે. મદ્રા, શાળાના આચાર્ય જગદીશ વિરમગામા, શાળાના ટ્રસ્ટીઓ, શિક્ષક મિત્રોએ શ્વેત અને તેમના કોચ જયવીરસિંહ સરવૈયાને શુભેચ્છા પાઠવી છે અને શ્વેત અભ્યાસની સાથોસાથ રમતગમત ક્ષેત્રમાં પણ પોતાનું ઉજ્જવળ ભવિષ્ય બનાવે તેવી શુભકામના વ્યક્ત કરી છે.

જો આપને આ પોસ્ટ ગમી હોય તો શેર કરો...