રાજકોટથી દ્વારકા સુધીના હાઈ-વે પર બે હજાર ગૌવંશને રેડિયમ બેલ્ટ બંધાયા

Author: નોબત સમાચાર

રાજકોટથી દ્વારકા સુધીના હાઈ-વે પર બે હજાર ગૌવંશને રેડિયમ બેલ્ટ બંધાયા

હિન્દુ સેના તથા ગૌરક્ષા દળ દ્વારા માનવરક્ષા અભિયાનઃ

જામનગર તા. ૩૦: હિન્દુ સેના તથા ગૌરક્ષાદળ અને ગૌરક્ષકો દ્વારા રાજકોટ શહેર તથા આસપાસના ગ્રામ્ય વિસ્તારો સહિત દ્વારકા સુધીના હાઈ-વે પર ગૌવંશને રેડિયમ બેલ્ટ બાંધવાનું અભિયાન હાથ ધરવામાં આવ્યું હતું.

ઉલ્લેખનીય છે કે ગત શનિવારે દ્વારકા નજીક હાઈ-વે પર એક ગૌવંશ માર્ગમાં આવતા ખાનગી બસ અને બે કાર તથા ટુ-વ્હીલર વચ્ચે અકસ્માત સર્જાતા ૭ વ્યક્તિના મૃત્યુ નિપજ્યા હતાં. ત્યારે ગૌવંશને રેડિયમ બેલ્ટ બાંધવાથી હાઈ-વે પર વાહન ચાલકોને દૂરથી ગૌવંશ નજરે ચડી શકે જેને પગલે અકસ્માત નિવારી શકાય. પરિણામે ગૌરક્ષા સાથે માનવરક્ષાનું લક્ષ્ય પણ સાર્થક થાય એ માટે ૩૫ યુવાનોએ જહેમત ઉઠાવી હતી.

રાજકોટ હિન્દુ સેના ગૌરક્ષા પ્રમુખ કાનાભાઈ ચાવડીયા તથા તેમની ટીમ અભયસિંહ, રાહુલભાઈ તથા હિન્દુ સેના ગુજરાત અધ્યક્ષ પ્રતિક ભટ્ટની રાહબરી હેઠળ ૨ હજારથી વધુ ગૌવંશને રેડિયમ બેલ્ટ બાંધવામાં આવ્યા હતાં. માર્ગ પર બેઠેલા ગૌવંશને ઘાસચારા-ગોળ-ખોળ-કપાસિયા સહિતની ખાદ્ય સામગ્રી આપીને તેમાં વ્યસ્ત રાખી તમામ ગૌવંશને રેડિયમ બેલ્ટ બાંધી હતી.

જો આપને આ પોસ્ટ ગમી હોય તો શેર કરો...