Author: નોબત સમાચાર
લાલપુર બાયપાસથી ખંભાળિયા બાયપાસ વચ્ચે ઈલેકટ્રીક સ્કૂટરને અજાણી મોટરે મારી ટક્કર
શેખપાટ પાસે બાઈકને ટ્રેક્ટરે ફંગોળ્યું:
જામનગર તા. ૩૦: જામનગર-રાજકોટ ધોરીમાર્ગ પર શેખપાટ ગામના પાટીયા પાસે એક બાઈકને ટ્રેક્ટરે ઠોકર મારી અકસ્માત નિપજાવ્યો હતો. ઘવાયેલા યુવાનને સારવારમાં ખસેડાયો છે. જ્યારે લાલપુરથી ખંભાળિયા બાયપાસ વચ્ચે ઈલેકટ્રીક સ્કૂટરને શનિવારે એક મોટરે ઠોકર મારી દેતા ફ્રેક્ચર-હેમરેજ થઈ જતાં એક યુવાનને સારવાર આપવામાં આવી રહી છે.
જામનગરના ઠેબા બાયપાસ પાસે આવેલી સરદાર પાર્ક સોસાયટીના આંબેડકર ચોકમાં રહેતા કમલેશભાઈ જયંતીભાઈ કોર નામના યુવાનના મોટાભાઈ ગઈ તારીખ ૧૬ની રાત્રે આઠેક વાગ્યે જામનગર-રાજકોટ ધોરી માર્ગ પર શેખપાટ ગામના પાટિયા પાસેથી જીજે-૧૦-ડીકે ૮૫૭૭નંબરના મોટરસાયકલ પર જતા હતા. ત્યારે જીજે-૧૦-કે ૨૦૩૩ નંબરનું ટ્રેક્ટર ટકરાઈ પડ્યું હતું. આ અકસ્માતમાં કમલેશભાઈના ભાઈને ઈજા થઈ છે.
જામનગર તાલુકાના ચંદ્રગઢ ગામના હિરેનભાઈ ધીરજલાલ ભારદીયાના મામા અશ્વિનભાઈ શનિવારે લાલપુર બાયપાસથી ખંભાળિયા બાયપાસ તરફ જતા હતા ત્યારે તેમના ઈલેક્ટ્રીક સ્કૂટરને પાછળથી પૂરપાટ ઝડપે ધસી આવેલી કોઈ અજાણી મોટરએ ઠોકર મારી દીધી હતી. આ અકસ્માતમાં અશ્વિનભાઈને હેમરેજ તથા ફ્રેકચર સહિતની ઈજા થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
