Author: નોબત સમાચાર
લાલપુરના સણોસરીમાં ઈલેકટ્રીકની જીવંત લાઈનમાંથી આંચકો લાગતા યુવાનનું મોત
સીરીઝ ૧૧ કેવી લાઈનને અડકી જતાં કરૂણાંતિકાઃ
જામનગર તા. ૩૦: લાલપુરના સણોસરી ગામમાં મામાના મંદિરે ઈલેકટ્રીક સીરીઝ લગાડી નવરાત્રિ અન્વયે શણગાર કરવા આવેલા એક યુવાનને ૧૧ કેવી જીવંત વીજલાઈનમાંથી ઈલેકટ્રીક શોર્ટ લાગતા તેમનું મૃત્યુ નિપજ્યું છે. આ બનાવે સણોસરી ગામમાં અરેરાટી પ્રસરાવી દીધી છે.
લાલ૫ુર તાલુકાના સણોસરી ગામના વાડી વિસ્તારમાં રહેતા ભીખાભાઈ નોંધાભાઈ ડાંગરના ખેતરમાં આવેલા મામાદેવના મંદિરે નવરાત્રિ નિમિત્તે ઈલેકટ્રીકની સીરીઝ વગેરે લગાડી તે મંદિરના સુશોભન માટે નોંધાભાઈના ભત્રીજા અને ખાનગી કંપનીમાં સર્વેયર તરીકે કામ કરતા ધર્મેશ સોમાભાઈ ડાંગર (ઉ.વ.૨૭) ગઈકાલે આવ્યા હતા.
આ યુવાન ગઈકાલે સાંજે મંદિર પાસે ઈલેકટ્રીક સીરીઝ લગાડતા હતા ત્યારે તેઓએ બાજુમાં આવેલા ખીજડાના ઝાડ પર સીરીઝ ફેંકી હતી. ત્યારે તે સીરીઝ બાજુમાંથી પસાર થતી ૧૧ કેવીની જીવંત વીજલાઈન સાથે અડકતા ધર્મેશભાઈને જોરદાર વીજ આંચકો લાગ્યો હતો. સારવાર માટે લાલપુર દવાખાને લઈ જવાયેલા આ યુવાનને ફરજ પરના તબીબે મૃત્યુ પામેલા જાહેર કર્યા હતા.
આ બનાવની મૃતકના પિતા સોમાભાઈ નોંધાભાઈ ડાંગરે પોલીસને જાણ કરી છે. પોલીસે અપમૃત્યુ અંગે નોંધ કરી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
