Author: નોબત સમાચાર
પ્રદર્શન મેદાન સ્થિત એસટી ડેપોમાં મુસાફરના ખિસ્સામાંથી મોબાઈલ ચોરાયો
જામજોધપુરના સંગચિરોડામાં વાડીમાંથી ટ્રેક્ટર ચોરાયું:
જામનગર તા. ર૪: જામજોધપુર તાલુકાના સંગ ચીરોડા ગામમાં વાડીમાંથી રૂ.સવા લાખનું ટ્રેક્ટર ચોરાઈ ગયું છે. પ્રદર્શન મેદાનમાં નવ નિર્મિત એસટી ડેપોમાં એક આસામીના ખિસ્સામાંથી મોબાઈલની ઉઠાંતરી થઈ છે.
જામજોધ૫ુર તાલુકાના સંગચીરોડા ગામના વતની અને હાલમાં મોટી ખાવડીમાં વસવાટ કરતા ભરતસિંહ રતુભા ગોહિલ નામના શ્રમિકે જીજે-૪-બીએચ ૧૦૦૩ નંબરનું ટ્રેક્ટર ગઈ તા.૧૩ની રાત્રે સંગચીરોડા ગામમાં ઢોરા વાળી વાડીમાં મૂક્યું હતું. ત્યાંથી બીજા દિવસની સવાર સુધીમાં તે ટ્રેક્ટર કોઈ શખ્સ હંકારી ગયો છે. શેઠવડાળા પોલીસ સ્ટેશનમાં ફરિયાદ કરવામાં આવી છે.
જામનગરના રણજીત સાગર રોડ પર મારૂ કંસારા હોલ પાછળ મંગલધામ સોસાયટીમાં રહેતા શૈલેષસિંહ બહાદુરસિંહ વાળા નામના આસામી ગુરૂવારે સવારે પ્રદર્શન મેદાનમાં નવા બનાવવામાં આવેલા એસટી ડેપોમાં પ્લેટફોર્મ નં.૭ પર બસની રાહ જોતા હતા ત્યારે કોઈ શખ્સ તેમના શર્ટના ખિસ્સામાંથી રૂ.૧૦ હજારનો મોબાઈલ સેરવી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
