Author: નોબત સમાચાર
જામનગરમાં ૩૭ વર્ષના પુરૂષનો રિપોર્ટ કોરોના પોઝિટિવ
નગરમાં પ્રથમ કેસ નોંધાતા દર્દી હોમ કોરોન્ટાઈનઃ તંત્રની દોડધામ
જામનગર તા. ર૪: ખૂબ લાંબા સમયગાળા પછી ફરી એક વખત કોરોનાની જામનગરમાં એન્ટ્રી થવા પામી છે. ગઈકાલે જામનગરમાં એક પુરુષનો રિપોર્ટ કોરોના પોઝિટિવ મળ્યો હતો જેમને હાલ હોમકોરોન્ટાઈન કરવામાં આવ્યા છે. જામનગર શહેરના પંચવટી વિસ્તારમાં રહેતા ૩૭ વર્ષના પુરુષને તાવ, શરદી, કફ, ઉધરસની બીમારી લાગુ પડી હતી. આથી તેમના જરૂરી મેડિકલ પરીક્ષણ કરાવવામાં આવતા તેમને કોરોના લાગુ પડ્યોછ હોવાનો રિપોર્ટ પોઝિટિવ મળ્યો હતો.
આથી મહાનગર પાલિકાની આરોગ્ય વિભાગની ટૂકડી તેના રહેણાંકે દોડી ગઈ હતી અને દર્દીને હોમકોરોન્ટાઈન કરી દેવાયા પછી તેમના સંપર્કમાં આવનારા તમામ લોકોના ટેસ્ટીંગ કરવા કામગીરી હાથ ધરવામાં આવી છે, જો કે ઈન્ચાર્જ આરોગ્ય અધિકારીના જણાવ્યા મુજબ આ દર્દીને હોસ્પિટલમાં દાખલ કરવાની જરૂર પડી નથી. તેમની તબિયત ખૂબ જ સારી છે.
બીજી તરફ જામનગરની જી.જી. હોસ્પિટલમાં પણ તંત્ર સાબદુ કરાયું છે, અને દવા, સાધનો વગેરે સાથે તબીબી ટીમ તૈયાર છે, જ્યારે લોકોએ પણ ભીડભાડવાળી જગ્યાએ જવાનું ટાળવા અને ગ્લોઝ, માસ્કનો ઉપયોગ કરવા હિતાવહ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
