Author: નોબત સમાચાર
ભાણવડના ઢેબરમાં ટ્રેક્ટર ચાલુ થઈને ટ્રોલી સાથે કૂવામાં ખાબકતા એક બાળકનું મૃત્યુ
ટ્રેક્ટર પર સાથે રમી રહેલા બીજા બાળકનો બચાવ થયોઃ
ખંભાળિયા તા. ૨૪: દેવભૂમિ દ્વારકા જિલ્લાના ભાણવડ તાલુકાના ઢેબર ગામ પાસે વાડી વિસ્તારમાં એક ટ્રેક્ટર પર બેઠેલા બે બાળકો રમતમાં ટ્રેક્ટર સાથે કંઈક કરતા ટ્રેેકટર ચાલુ થયું હતું અને વાડીના ઉંડા કૂવામાં પડતા એક બાળકનું મૃત્યુ નિપજ્યું હતું. જેના ૫ગલે પોલીસ તથા તલાટી મંત્રી દોડ્યા હતા.
ભાણવડ તાલુકાના ઢેબર ગામમાં મામદ જુમા હિંગોરા નામના ખેડૂતના ખેતરમાં ગઈકાલેે ટ્રોલી સાથેનું ટ્રેક્ટર રાખવામાં આવ્યું હતું. તે ટ્રેક્ટર પર કેટલાક બાળકો ચઢીને રમતા હતા. આ વેળાએ ટ્રેક્ટર ચાલુ થઈ ગયું હતું અને ત્યાંથી ૪૦ ફૂટ દૂર આવેલા કૂવામાં ખાબકી ગયું હતું.
ચાલુ થઈ ગયેલા ટ્રેક્ટરમાં બે બાળકો હતા ધડાકા સાથે આ ટ્રેક્ટર ટ્રોલી સાથે કૂવામાં પડી ગયું હતું. અવાજ થતાં ત્યાં કામ કરી રહેલા લોકો દોડી આવ્યા હતા. જેમાંથી કેટલાક વ્યક્તિએ કૂવામાં ડૂબકી લગાવી બાળકોને બહાર કાઢી લેવા પ્રયાસ શરૂ કર્યા હતા. જેમાં એક બાળક બચી ગયો હતો. જ્યારે ઈબ્રાહીમ મામદ જુસબ હિંગોરા (ઉ.વ.૧૩) નામનો બાળક ટ્રેક્ટર નીચે દબાઈ જતાં મૃત્યુ પામ્યો હતો.
બનાવની જાણ થતાં ભાણવડ પોલીસ અધિકારીઓ, મામલતદાર વગેરે ઘટનાસ્થળે પહોંચ્યા હતા. તથા ક્રેઈનની મદદથી ટ્રેક્ટર ટ્રોલી કૂવામાંથી કાઢી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
