Author: નોબત સમાચાર
ઉર્ષમાં જતાં બે યુવાનને અકસ્માત નડ્યા પછી એક યુવાનનું થયું મૃત્યુ
ચરકલા પાસે બાઈક-મોટરની ટક્કરઃ
ખંભાળિયા તા.ર૪: ખંભાળિયાથી વરવાળા જતાં બે યુવાનના બાઈકને માર્ગમાં અકસ્માત નડ્યો હતો. વધુ સારવાર માટે જામનગર ખસેડાયેલા એક ઈજાગ્રસ્તનું મૃત્યુ નિપજ્યું છે. જ્યારે સપ્તાહ પૂર્વે ચરકલા પાસે ડબલ સવારી બાઈકને એક મોટર ઠોકર મારી નાસી ગઈ હતી. ઘવાયેલા એક યુવાને પોલીસમાં ફરિયાદ નોંધાવી છે. ખંભાળિયામાં રામનાથ સોસાયટીમાં રહેતા ધર્મરાજસિંહ વિજયસિંહ ચુડાસમા નામના બાવીસેક વર્ષના યુવાન થોડા દિવસ પહેલા તેના મિત્રો સાથે દ્વારકા-ઓખા ધોરીમાર્ગ પર આવેલા વરવાળા ગામમાં યોજાયેલા એક ઉર્ષના કાર્યક્રમમાં જવા માટે બાઈક પર નીકળ્યા હતા.
આ યુવાનોનંુ બાઈક જ્યારે વરવાળા પાસે પહોંચ્યું ત્યારે કોઈ કારણથી બાઈક સ્લીપ થતાં સર્જાયેલા અકસ્માતમાં ધર્મરાજસિંહને ગંભીર ઈજા થઈ હતી. આ યુવાનને સારવાર માટે દ્વારકા અને ત્યાંથી ખંભાળિયા તેમજ વધુ સારવાર માટે જામનગર હોસ્પિટલમાં ખસેડાયા હતા જ્યાં સાતેક દિવસ સારવાર પછી આ યુવાનનું મૃત્યુ નિપજયું છે. તેથી રાજપૂત સમાજમાં ભારે શોકની લાગણી છવાઈ હતી.
દ્વારકા તાલુકાના મોટા ભાવડા ગામના કરણાભા મુંજાભા માણેક નામના યુવાન કનૈયાભા માણેક સાથે ગઈ તા.૧૪ની સાંજે જીજે-૩૭-સી ૧૩૫ નંબરના બાઈકમાં દ્વારકા થી પરત જતા હતા ત્યારે ચરકલા ગામ પાસે જીજે-૩૭-એમ ૪૨૭૫ નંબરની મોટરે ઠોકર મારતા કરણાભાને ફ્રેક્ચર થઈ ગયું છે. અકસ્માત સર્જી નાસી ગયેલા મોટરચાલક સામે ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
