Author: નોબત સમાચાર
સ્કૂટર-બાઈકમાં ઈંગ્લીશ દારૂની હેરફેર કરતા ત્રણ શખ્સ ઝડપાયા
નપાણીયા ખીજડિયામાંથી પકડાઈ ઈંગ્લીશની બે બોટલઃ
જામનગર તા. ર૪: જામનગરના દિગ્વિજય પ્લોટ માંથી સ્કૂટરમાં દારૂની બોટલ લઈ જતા શખ્સની પોલીસે અટકાયત કરી છે. હાપા નજીકથી એક શખ્સ ચપલા સાથે મળી આવ્યો છે. કાલાવડના નપાણીયા ખીજડીયામાંથી બે બોટલ સાથે એક શખ્સ ઝડપાયો છે અને તેણે સાગરિતનું નામ આપ્યું છે. પટેલ પાર્ક પાસેથી બાઈકમાં દારૂની બોટલ લઈ જતા બે સામે ગુન્હો નોંધવામાં આવ્યો છે.
જામનગરના દિગ્વિજય પ્લોટ વિસ્તારની શેરી નં.૪૯ સ્થિત મંદિર પાસેથી ગઈકાલે સાંજે જીજે-૧૦-ડીએસ ૪૪૩ નંબરના સ્કૂટરમાં જતા અભય રણછોડભાઈ મકવાણા નામના શંકરટેકરીના શખ્સને પોલીસે રોકાવી ચેક કરતા તેની પાસે દારૂની બોટલ મળી આવી હતી. પોલીસે બોટલ તથા સ્કૂટર કબજે કર્યા છે.
જામનગર નજીક હાપા પાસે એક મોટરના શો-રૂમ નજીકથી કાલે સાંજે ગોકુલ નગર સ્થિત રામનગરવાળા ભરત હર્ષદભાઈ ચૌહાણ નામના શખ્સને પોલીસે દારૂના ચપલા સાથે પકડી લીધો છે.
કાલાવડ તાલુકાના નપાણીયા ખીજડીયા ગામમાં રહેતો ભરત દાદુભાઈ સાડમીયા નામનો શખ્સ દારૂની બે બોટલ સાથે ઝડપાઈ ગયો છે. તેણે ઋત્વિક પટેલનું નામ આપ્યું છે
જામનગરના પટેલપાર્ક પાસેથી ગઈરાત્રે જીજે-૧૦-બીએમ ૧૬૭ નંબરના બાઈક પર જતા સંંદીપ દયાળજી ઝાલા, હરીશ મનસુખભાઈ પોપટ નામના બે શખ્સને રોકી પેટ્રોલિંગમાં રહેલા પોલીસ સ્ટાફે ચેક કરતા આ શખ્સો પાસેથી દારૂની બોટલ મળી આવી હતી. પોલીસે બોટલ તથા બાઈક કબજે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
