Author: નોબત સમાચાર
જામ્યુકો-આઈસીડીએસ વિભાગ દ્વારા પોષણ સંગમ કાર્યક્રમનો વર્કશોપ યોજાયો
વિસ્તૃત માહિતી, માર્ગદર્શન અપાયુઃ વિવિધ સ્પર્ધાઓના વિજેતાઓનું સન્માનઃ
જામનગર તા. ૨૪: જામનગર મહાનગરપાલિકા તથા આઈસીડીએસ વિભાગ દ્વારા ટાઉનહોલમાં પોષણ સંગમ કાર્યક્રમ અંતગર્ત એક દિવસીય વર્કશોપનું આયોજન કરવામાં આવ્યું હતું. કમિશનર ડી.એન.મોદી તથા જિલ્લા વિકાસ અધિકારી વિકલ્પ ભારદ્વાજની અધ્યક્ષતામાં યોજાયેલા કાર્યક્રમમાં કમિશનરે સમુદાય આધારિત વ્યવસ્થાપનનું મહત્ત્વ તેમજ કુપોષણ વિશે જાણકારી આપી હતી.
આઈ.સી.ડી.એસ.(રાજકોટ ઝોન)ના વિભાગીય નાયબ નિયામક પૂર્વીબેન પંચાલ દ્વારા પોષણ અંગેની જાગૃતતા તેમજ કાર્યક્રમની અગત્યતા, તેનું વ્યુહાત્મક આયોજન તેમજ રાજકોટ ઝોન અંતર્ગત જામનગર જિલ્લાનું ન્યુટ્રીશનલ સ્ટેટ્સ વિશે જાણકારી આપવામાં આવી હતી. આઈ.સી.ડી.એસ. શાખાના પ્રોગ્રામ ઓફિસર અંજનાબેન ઠુમ્મર દ્વારા જામનગર પોષણ સંગમ અંતર્ગતનું ઇનોવેશન તથા બેસ્ટ પ્રેક્ટિસ અંગે તેમજ જામનગર જિલ્લામાં પોષણ સંગમ કાર્યક્રમના શુભારંભ તથા અમલવારી અંગે વિગતવાર જાણકારી આપવામાં આવી હતી. આ ઉપરાંત ગામોના પોષણ સ્તર વિષે માહિતી, પોષણ સંગમ મોબાઈલ એપ્લીકેશન બાબતે જાણકારી આપવામાં આવી હતી.
ત્યારબાદ રાજ્યકક્ષાએ પોષણ ઉત્સવ વાનગી સ્પર્ધામાં પ્રથમ નંબર મેળવેલ આંગણવાડી કાર્યકર સીતાબા ગોહિલ અને ભૂલકાં મેળામાં ટીએલએમ પ્રદર્શનમાં પ્રથમ નંબર મેળવેલ રાધિકાબેન ગોજીયાને ઉપસ્થિત મહાનુભાવો દ્વારા સન્માનિત કરવામાં આવ્યા હતા. આ વર્કશોપ કાર્યક્રમમાં બાળકોના ગ્રોથ મોનીટરીંગના સાધનો(વજનકાંટાઓ/ઉંચાઈમાપન) તથા સારવારની દવાઓ તેમજ રાજ્યની કચેરી તરફથી ફાળવેલ ઝ્ર-સ્છસ્ ટ્ઠદ્બૅ; ઈય્હ્લ પોષણ સંગમ કાર્યક્રમના સાહિત્યનો પણ સ્ટોલ રાખવામાં આવ્યો હતો.
કાર્યક્રમમાં પ્રોગામ ઓફિસર પ્રજ્ઞાબેન રાવલ દ્વારા સૌનું શાબ્દિક સ્વાગત તથા બાળ વિકાસ યોજના અધિકારી પૃથ્વીબેન ચોડવડીયા દ્વારા આભારવિધિ કરવામાં આવી હતી. કાર્યક્રમમાં આઈસીડીએસ શાખાના અધિકારીઓ, સ્ટાફ, બાળ વિકાસ યોજનાના અધિકારીઓ, મુખ્ય સેવિકાઓ, આંગણવાડી કાર્યકરો વગેરે ઉપસ્થિત રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
