Author: નોબત સમાચાર
ખંભાળિયામાં મોટર રોકાવી ત્રણ શખ્સે ચાલકને પથ્થર ફટકારી ચલાવી લૂંટ
મોડીરાત્રે મોટર રોકી ગુન્હાને અંજામ અપાયોઃ
જામનગર તા. ર૬: ખંભાળિયાના નરશી ભુવન પાસેથી મંગળવારે રાત્રે ઈકો મોટર લઈને જતાં એક આસામીને ત્રણ શખ્સે રસ્તામાં રોકી લઈ માથામાં પથ્થર ઝીંકી ખિસ્સામાંથી રૂ.પ૦૦ રોકડાની લૂંટ ચલાવ્યાની પોલીસમાં ફરિયાદ કરાઈ છે.
ખંભાળિયા શહેરમાં રેલવે સ્ટેશન રોડ પર તુલસી પાર્ક સોસાયટીમાં રહેતા સાહીલ રફીકભાઈ ધાવડા નામના ડ્રાઈવર મંગળવારે રાત્રે સાડા બારેક વાગ્યે નરશી ભુવનવાળી શેરીમાંથી જીજે-૩૭-એમ ૪૧૭૫ નંબરની ઈકો મોટરમાં શારદાબેનને ઘેર મૂકવા જતા હતા. ત્યારે ત્રણ શખ્સ આડા ઉતર્યા હતા.
ખંભાળિયાના સલાયા નાકા પાસે રહેતા મકસુદ ઉર્ફે મખી, અકબર ઉર્ફે હકા બ્લોચ તથા અવેશ સુમરા નામના ત્રણ શખ્સે મોટર રોકાવી સાહીલને નીચે ઉતાર્યાે હતો અને મકસુદે તેને પકડી રાખી માથામાં પથ્થર ઝીંક્યો હતો અને અકબર તથા અવેશે ખિસ્સામાંથી રૂ.પ૦૦ કાઢી લીધા હતા. ત્યારપછી ત્રણેય શખ્સ પોબારા ભણી ગયા હતા. સાહીલ ધાવડાએ ખંભાળિયા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
