Author: નોબત સમાચાર
દ્વારકામાં મકાનમાં ચાલતી ઘોડીપાસાની કલબ પર દરોડોઃ નવ શખ્સ પકડાયા
રૂપિયા પોણા ત્રણ લાખનો મુદ્દામાલ કબજે કરતી એલસીબીઃ
જામનગર તા. ર૬: દ્વારકા શહેરના નરસંગ ટેકરી વિસ્તારમાં એક મકાનમાંથી એલસીબીએ ઘોડીપાસાની કલબ પકડી પાડી છે. મકાન માલિકને નાલ આપી જુગાર રમતા આઠ શખ્સ રૂપિયા પોણા ત્રણ લાખના મુદ્દામાલ સાથે ઝડપાઈ ગયા છે.
દ્વારકા શહેરના નરસંગ ટેકરી વિસ્તારમાં એક મકાનમાં જુગારની મહેફિલ જામી હોવાની બાતમી પરથી મંગળવારની રાત્રે દ્વારકા એલસીબીના સ્ટાફે પીઆઈ કે.કે. ગોહિલના વડપણ હેઠળ વનરાજભા કાળુભા વાઘા નામના શખ્સના મકાનમાં દરોડો પાડ્યો હતો.
તે મકાનમાં વનરાજભાને નાલ આપી ઘોડીપાસા વડે જુગાર રમી રહેલા વિજય ચંદુભાઈ તાવડી, કિશોર રામજીભાઈ કારાણી, મનોજ ખીમજીભાઈ ચાનપા, ખેરાજ હરદાસ માતકા, હિતેન્દ્રસિંહ સુરેન્દ્રસિંહ કેર, કાનજી દેવદાન માતકા, મયુર જગદીશભાઈ માવાણી, વિરલ જમનાદાસ થોભાણી નામના આઠ શખ્સ મળી આવ્યા હતા.
એલસીબીએ સ્થળ પરથી રૂ.૧,૬૨,૨૦૦ રોકડા, સાત મોબાઈલ, બે બાઈક મળી કુલ રૂ.૨,૭૭,૨૦૦નો મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
