જામનગરમાં શ્રી વિસા શ્રીમાળી સુવર્ણકાર સેવા મંડળ દ્વારા પારિતોષિક વિતરણ સમારંભ યોજાશે

Author: નોબત સમાચાર

જામનગરમાં શ્રી વિસા શ્રીમાળી સુવર્ણકાર સેવા મંડળ દ્વારા પારિતોષિક વિતરણ સમારંભ યોજાશે

મહંતશ્રી દેવપ્રસાદજી મહારાજશ્રીના ગુરૂસ્થાને રવિવારે

જામનગર તા. ર૬: સુવર્ણકાર સેવા મંડળ, જામનગર દ્વારા વિસા શ્રીમાળી સોની સમાજના શૈક્ષણિક ઉચ્ચ ગુણાંકો સાથે ઉત્તીર્ણ થયેલ તેમજ ઉજ્જવળ કારકિર્દી ધરાવતા વિદ્યાર્થી ભાઈઓ-બહેનોને સન્માનવા માટેનો પ૦મો પારિતોષિક વિતરણ સમારંભ પ.પૂ. મહંતશ્રી દેવપ્રસાદજી મહારાજશ્રીના ગુરૂસ્થાને તેમજ શ્રીમાળી સોની સમાજના પ્રમુખશ્રી હેતલબેન મનીષભાઈ વજાણી (મહામંડળના સભ્ય)ની મુખ્ય ઉપસ્થિતિમાં તા. ર૯-૯-ર૦ર૪, રવિવારના સાંજે પ.૩૦ વાગ્યે 'કસરી બાગ' શ્રી વિસા શ્રીમાળી સોની સમાજની વાડી, દ્વારકાપુરી રોડ, જામનગરમાં યોજવામાં આવ્યો છે.

આ પારિતોષિક સન્માન સમારંભ પ્રસંગે સમારંભ પ્રમુખ તરીકે દેવેન્દ્રભાઈ કાંતિલાલ માંડલીયા, અતિથિવિશેષ તરીકે હસમુખરાય મૂળજીભાઈ મોનાણી તથા હિમાંશુભાઈ વસંતરાય ગુસાણી, તેમજ સમાજના શિક્ષણમંત્રી કૃણાલભાઈ વી. મોનાણી, વાઘેશ્વરી માતાજી મંદિર ટ્રસ્ટના મેનેજિંગ ટ્રસ્ટી કિશોરભાઈ કે. ભુવા તથા સુવર્ણકાર મહિલા મંડળના પ્રમુખ જયશ્રીબેન ચેતનભાઈ ઝીંઝુવાડીયા ઉપસ્થિતિ રહેશે.

આ પ્રસંગે વિદ્યાર્થીઓને પ્રોત્સાહિત કરવા સર્વે જ્ઞાતિજનોને સમયસર પધારવા મંત્રી હિતેશભાઈ વી. ભુવાએ સર્વે જ્ઞાતિજનોને નિમંત્રણ પાઠવેલ છે. આ કાર્યક્રમમાં ૬ વાગ્યા પહેલા આવનાર તમામ જ્ઞાતિજનોને લક્કી ડ્રોનું એક કૂપન વિનામૂલ્યે આપવામાં આવશે.

જો આપને આ પોસ્ટ ગમી હોય તો શેર કરો...